खोज

बुटवल, २४ मंसिर ।

क्लोथ एण्ड फुड बैँक नेपालले सियारी र वाणगंगा नगरपालिका परिसरमा ‘क्लोथ बैँक’ (कपडा बैँक) सञ्चालनमा ल्याएका छन् । ‘कोही कपडा विहीन नरहुन्’ भन्ने उद्देश्यले ९ महिना अघि बुटवल उपमहानगरपालिकाबाट सुरु ‘क्लोथ बैँक’ स्थापनाको अभियानलाई कपिलवस्तु वाणगंगा नगरपालिका र रुपन्देहीको सियारी गाउँपालिकामा नेपालका महानायक राजेश हमालले उद्घाटन गरे ।

आइतबार आयोजित एक कार्यक्रममा महानायक हमालले ‘क्लोथ बैँक’ अवधारणा समाज सेवासँग जोडिएको भन्दै प्रयोगमा नआएका लत्ताकपडालाई ‘क्लोथ बैँक’मा जम्मा गरिदिन आग्रह गर्दै कपड़ा बैंकको सुरुवात लुम्बिनी प्रदेश रुपन्देही जिल्ला बाट गरेको जानकारी दिदै महान कार्यमा जोडिएकोमा पालिकाहरुलाई धन्यवाद दिए । नगरपालिकाका प्रमुख चक्र अर्याल, सियारी गाउँपालिका अध्यक्ष थानेश्वर घिमिरेले नागरिकको हितमा हुने जुनसुकै कार्यक्रम वा अभियानमा साथ दिन तयार रहेको दाबी गर्दै ‘कपडा बैँक’ले पनि विपन्न पालिकाबासीलाई सहयोग पुग्ने अपेक्षा राखे । ‘क्लोथ एण्ड फुड बैँकसंग वाणगंगा नगरपालिका र सियारी गाउँपालिकाले आवश्यकता अनुसार समन्वय गरेर काम गर्ने बताए

कपडा बैंक सल्लाहकार राजिव गौतमले ‘क्लोथ बैँक’ अभियान नागरिक मैत्री रहेकाले सफलताको शुभकामना व्यक्त गरे । सियारी गाउँपालिका प्रमुख प्रशासकीय अधिकृत रिशिराम पन्थीले ‘क्लोथ बैँक’को अवधारणा परोपकारी सँगै वातावरण मैत्री भएकाले प्रयोगमा नआएका कपडा बैँकमा जग्गा गरिदिन अपिल गरे ।

यस अभियानका अवधारणाकर्ता कपडा केन्द्रीय अध्यक्ष कमल जिसी हुन् । उनका अनुसार अघिल्लो फागुनबाट सुरु अभियान हालसम्म १६० भन्दा धेरै स्थानीय तहमा विस्तार गरिसकिएको छ । प्रयोगमा नआएका लत्ताकपडा संकलन गरी प्रशोधन तथा शुद्धिकरण गरी लगाउन मिल्ने कपडालाई आवश्यकताको आधारमा विपद पीडित समुदाय, विपन्न परिवारसम्म पुग्ने माध्यम ‘क्लोथ बैँक’ बन्न पुगेको क्लोथ एण्ड फुड बैँक नेपालका अध्यक्ष जिसीले बताए अध्यक्ष जि सी ले लुम्बिनी प्रदेशमा कपडा बैंक स्थापना गर्न वडा कार्यलय स्थानीय सरकार प्रदेश सरकार संग समन्वय गरेर अगाडि बढ्ने बताए ।