सामग्री खोज्नुहोस्

काठमाडौं, २३ मंसिर ।

आइतबार नेपाल स्टक एक्सचेन्ज (नेप्से) मा उच्च गिरावट देखिएको छ। अघिल्लो कारोबार दिनको तुलनामा नेप्से परिसूचक ४५.९३ अंक घटेर २६८९ अङ्कमा बन्द भएको हो।

यो गिरावटसँगै सेयर बजारमा कारोबार रकम पनि घटेको छ। अघिल्लो दिनको ८ अर्ब ३६ करोडको कारोबारबाट आज ७ अर्ब ४६ करोडमा व्यापार भएको छ।

सार्वजनिक कम्पनीहरूको मूल्यमा गिरावट आएको छ, जसका कारण कुल २१४ कम्पनीको मूल्य घटेको छ भने २७ कम्पनीको मूल्य बढेको छ। ३ कम्पनीका मूल्य स्थिर रहन पुगेका छन्। सबैभन्दा ठूलो गिरावट लाइफ इन्स्योरेन्स क्षेत्रको ३.०७ प्रतिशतमा देखिएको छ।

बैंकिङ क्षेत्र १.८६ प्रतिशत, विकास बैंक १.०४ प्रतिशत, फाइनान्स १.८४ प्रतिशत, होटल र पर्यटन १.८१ प्रतिशत, हाइड्रोपावर १.९८ प्रतिशत, लगानी १.३३ प्रतिशत, उत्पादन ०.३२ प्रतिशत, माइक्रोफाइनान्स १.५० प्रतिशत, निर्जीवन बीमा ०.८३ प्रतिशत, अन्य ०.८१ प्रतिशत र व्यापार समूह २.१३ प्रतिशतले घटेका छन्।

हालको कारोबारी सत्रमा खानीखोला हाइड्रोपावरको मूल्य १० प्रतिशतले वृद्धि भएको छ। दोल्ती पावर ८.७७ प्रतिशत, स्वाभिमान लघुवित्त ७.८९ प्रतिशत, र मोलुङ हाइड्रोपावर ६.५ प्रतिशत मूल्य वृद्धिमा रहेका छन्।

यसका विपरीत, मानुसी लघुवित्त, लाइफ इन्स्योरेन्स कर्पोरेसन, जोशी हाइड्रोपावर र सामुदायिक लघुवित्तका मूल्य १० प्रतिशत घटेका छन्। दिव्यश्वरी हाइड्रोको ७ प्रतिशत, सुपरमादी हाइड्रोपावरको ६.८८ प्रतिशत र सान्जेन जलविद्युत्को ६.६८ प्रतिशत मूल्यमा गिरावट आएको छ।

कारोबार रकमका आधारमा एनआरएन इन्फ्रास्ट्रक्चर, नेपाल फाइनान्स, रिभर फल्स पावर, खानीखोला हाइड्रोपावर र बेस्ट फाइनान्स क्रमशः अगाडि रहेका छन्।