खोज

विशेष सांस्कृतिक कार्यक्रमकी मूलपाहुना थिइन् बुटवल उपमहानगरपालिकाकी उपप्रमुख सावित्रा अर्याल । उनले स्वरसम्राट नारायणगोपालको ३४ओैं स्मृति दिवसको अवसरमा आयोजित विशेष सांस्कृतिक कार्यक्रममा आफूलाई मन परेको गीत समेत गाइन् र नारायणगोपालप्रति श्रद्वाभाव प्रकट गरिन् ।
रागश्री संगीतालय,बुटवलले आयोजना गरेको उक्त विशेष सांगीतिक कार्यक्रमको सहयोगीका रुपमा बुटवल उपमहानगरपालिका थियो ।आर्थिक,भौतिक,नैतिक सहयोग गर्नेहरुको कमि थिएन । यसको अर्थ, रागश्रीप्रति छोटै समयमा साथ र समर्थन जुट्ने अवसर प्राप्त भएको छ ।
करिव दर्जन नवप्रतिभाहरुले नारायणगोपालले स्वर भरेका गीतहरुमा आफ्ना स्वर थपे । कतिपय गायकका स्वरहरु माझिएका थिए । वाद्यवाधनमा दक्षता र क्षमता प्रदर्शन भएका थिए । ससाना भाइबहिनीहरुले सुरुआती गीत गाएपछि सांगीतिक कार्यक्रम अघि बढेको थियो । उनीहरुले मिठो श्वरमा गीत प्रस्तुत गर्दा दर्शकदीर्घाबाट बेजोड तालिम बज्यो । उनीहरु भविष्यमा तारादेवी र नारायणगोपाल बन्ने प्रवल सम्भावना रहेको अड्कल काटिए । प्रमुख अतिथिले भनेकी थिईन्(बुटवलमा थुप्रै नारायणगोपाल र तारादेवी जन्माउन रागश्री संगीतालयले विशेष कर्म गर्नुपर्नेछ । भूमिका निर्वाह गर्नुपर्नेछ ।
रागश्री संगीतालयका सञ्चालक एवम् संगीतकार सुरेश सेञ्चुरीले नारायणगोपालको एकल र सरिता पन्थीसँग मिलेर युगल गीत गाए । दर्शकहरु मन्त्रमुग्ध भए । ताली ठोके । धेरै वर्षपछि आफू गायनका लागि स्टेजमा उत्रिएको बताईरहँदा सुरेशले शिष्यहरुका अघि गीत गाउँदा डर लागिरहेको सुनाए । यो नै उनको गीत र संगीतप्रतिको मोह हो ।
सुरेशले धेरैवर्ष गीत,संगीतमा लागेर आफूलाईमात्र पारङ्गत बनाएनन् बरु आफूजस्तै गायक र संगीतकार बनाउन जीवनका तीन दशक बढी समय खर्चिए । शान्त सागरजस्तै छन् उनी ।
३४ ओैं स्मृति दिवसका अवसरमा आयोजित स्वरसम्राट नारायणगोपाल सांस्कृतिक कार्यक्रममा उनकै शिष्यहरुको बाक्लो उपस्थिति थियो । यतिबेला गायन र संगीतका कक्षा लिईरहेकाले आफूलाई स्थापित गर्ने प्लेटफर्मका रुपमा सो सांस्कृतिक कार्यक्रमलाई लिए ।
सो सांस्कृतिक कार्यक्रममा बर्दघाट प्रज्ञाप्रतिष्ठानकी सदस्य दया दर्लामीले शुभकामनासहित ूफूलको थुङ्गा बगेर गयो,गंगाको पानीमाू गीत गुनगुनाएर मनोरञ्जन दिईन् ।
लुम्बिनी प्रदेश सरकार, मुख्यमन्त्रीका शिक्षा विज्ञ डीबी गुरुङले भाषा, साहित्य,संस्कृति र संगीतले नै मानवजीवनलाई एकआपसमा जोड्ने र भावनात्मक सम्बन्ध प्रगाढ बनाउने बताए । भूगोललाई भौतिक संरचनाले जोडेपनि भावनाले जोडिएको साईनो कसिलो उनले बताए ।
उक्त कार्यक्रमले नयाँ प्रतिभाहरुलाई अवसर दिएको छभने पुरानालाई झक्झकाई रहेको पाईन्छ । सम्बन्ध सेतूका रुपमा सो कार्यक्रम भएको अतिथिका रुपमा रहेका संगीतपारखी एवम् सामाजिक,राजनीतिक अभियन्ता बाबुराम भट्टराईले बताए । कलाकारहरुलाई शुभकामना र बधाई दिए कलाकारका नेता प्रचण्डबहादुर जीसीले ।
सुमन श्रेष्ठको मिठो उद्घोषण,सुरेश सेञ्चुरीको गतिलो व्यवस्थापन र प्रमुख अतिथि सावित्रा अर्यालको उत्प्रेरक साथ एवम् समर्थनले सांस्कृतिक कार्यक्रम भव्य र सभ्य तरिकाले सम्पन्न भएको थियो । सबै रमाएका थियौं ।