खोज

बुटवल, २० मंसिर । बुटवलमा क्रियाशिल पत्रकारहरुको निशुल्क स्वास्थ्य परिक्षण गरिएको छ । दाङ- रुपन्देही सम्पर्क समाजको आयोजना तथा बुटवल प्रयोगशाला, मेडिक्रस डाईग्लोसिस ल्याब्रोटरीको प्राविधिक सहयोगमा बिहिबार बुटवलमा परिक्षण गरिएको हो ।

कार्यक्रमको एक समारोहका बिच दाङ रुपन्देही सम्पर्क समाजका अध्यक्ष रेशम बहादुर महराले लुम्बिनी प्रादेशिक अस्पतालका फिजिसियन डा.सागर पौडेलले स्वास्थ्य सामग्री हस्तान्तरण गर्दै शुभारम्भ गरेका छन ।

कार्यक्रममा लुम्बिनी प्रादेशिक अस्पतालका फिजिसियन डा.सागर पौडेलले स्वास्थ्य सचेतना आजको आवश्यकता भएको बताए । आम नागरिकलाई सुसुश्चित गर्ने पत्रकारहरुको स्वास्थ्यलाई मध्येनजर गरि समाजबाट महत्वपूर्ण काम भएको उनले बताए । कुनै पनि ब्यक्तिको मृगौला खराब भएको लक्षण धेरै ढिला हुने हुदा पनि समयसमयमा यसको जाच जरुरी रहने भन्दै उनले आम नागरिकलाई यसबारे सचेत गराउन जरुरी रहेको बताए । मृगौला खराब हुने मुख्य कारणका रुपमा अहिले उच्च रक्तचाप र मधुमेह देखिएको भन्दै उनले खानपिन र जिवनशैलीलाई परिवर्तन जरुरी रहेको बताए ।

कार्यक्रममा समाजका अध्यक्ष रेशम बहादुर महराले समुदायमा रहेर सामाजिक उत्तरदायित्वका धेरै काम गर्दै आएको बताए । बुटवल उपमहानगरपालिकाको सरसफाई, रक्तदान, सचेतनामुलक कार्यक्रमका साथै पहिलोपटक पत्रकार स्वास्थ्य परिक्षण कार्यक्रम गर्न सफल भएको उनले बताए ।

कार्यक्रममा मेडिकल ल्याब्रोटरी एशोसियसन (मेलान) केन्द्रिय सचिवालय सदस्य तथा बुटवल प्रयोगशालाका संचालक गुणानिधि खनाल, मेडिक्रस डाईग्लोसिस ल्याब्रोटरीका संचालक मनोज काफ्ले, पत्रकार श्याम पोखरेलले धेरै महत्वपूर्ण कार्यक्रम गरिएको भन्दै आगामी दिनमा सहकार्यमा थप नया ढंगबाट संचालन गर्न सुझाव दिए ।

कार्यक्रममा समाजका सचिव नारायण वलीले दुई दर्जन पत्रकारहरुको स्वास्थ्य परिक्षण अन्तरगत मृगौलाको अवस्था जाचसहित उच्च रक्तचाप र मधुमेह परिक्षण गरिएको बताए ।