© २०२३
२२ मंसिर २०८२, सोमबार
२२ मंसिर २०८२, सोमबार
सुर्खेत,१९ मंसिर ।
कर्णाली प्रदेशका मुख्यमन्त्री यामलाल कँडेलले जथाभावी सडक निर्माणको कामले गाउँवस्ती जोखिममा परेको बताएका छन् । प्राविधिक अध्ययन विना नै सडक निर्माणको कामले विपत्ति निम्तिएको कँडेलले बताए । भूकम्प प्रभावित क्षेत्रका प्राविधिकहरूलाई भवन संहिता सम्बन्धी क्षमता अभिवृद्धि कार्यक्रमको आज वीरेन्द्रनगरमा उद्घाटन गर्दे मुख्यमन्त्री कँडेलले अहिले भइरहेको जथाभाबी विकासको मोडल बदल्न नसकिए विपत्तिको चपेटा मुक्त हुन नसकिने बताएका हुन् । जनप्रतिनिधिले जहाँ जहाँ भन्छन्, त्यहीँ जमिन भत्काउने कामलाई निरुत्साहन गर्न पनि प्राविधिकलाई सुझाव समेत दिए ।
उनले अहिले भइरहेको विकासको मोडल बदल्न आवश्यक रहेको बताएका छन् । जहाँ देख्यो त्यही माटो खन्ने र जमिन भत्काउने प्रचलन बढेको भन्दै कँडेलले त्यसलाई रोक्नुपर्ने बताए । ‘प्राविधिकलाई पन्छाएर डोजर चढेर हिँड्नेहरुले सडक मूल्याङ्कन गरिरहेको म देख्छु,यसबाट हामी बच्न सक्नुपर्छ ।’ उनले भने । विकासको आवश्यकता भन्दा रोजगारीलाई केन्द्रित बनाएर गरिने विकासको मोडलले धेरै गाउँ बस्ती जोखिममा परेको कँडेलले बताए ।
© २०२३
सर्वाधिकार सुरक्षित
Design & Developed By:
