खोज

बुटवल, १३ मंसिर । बुटवलको सिह कम्प्लेक्समा फ्रेण्डस सिनेमा संचालनमा आएको छ । तीन जना युवाहरुले रोयल सिने हब प्रालिद्घारा फ्रेण्डस सिनेमा संचालनमा ल्याएका हुन । शुक्रबारदेखि हल औपचारिक रुपमा संचालन हुने भएको हो । ३ वर्ष अघि धरानबाट फिल्म उद्योगलाई प्रमोट गर्ने उदेश्यका साथ लागेको प्रदिप धामी, पुष्कर घिमिरे र आशिष तामाङ गरि ३ जना साथिहरु मिलेर रोयल सिने हब प्रालि स्थापना गरेका थिए । धरानमा सिनेमा हल संचालन र फिल्म डिष्ट्रिब्युटर शुरु गरेको यो ग्रुपले बुटवलमा दोस्रो हल संचालनमा ल्याएका हुन।

रोयल सिने हब प्रालिका संचालक पुष्कर घिमिरेले चेन सिनेमासंगै डिष्टिब्युसन समेत अघि बढाउने बताए । फर्कि फर्कि, कुश्मा र १२ गाउ लगायत फिल्म डिष्ट्रिब्यसन गरेको भन्दै उनले स्विटर, बलिदान, फेरि रेशम लिरिरि लगायत फिल्महरु पाईपलाईनमा रहेको बताए । नया ब्यवस्थापनमा हल संचालनका लागि प्रोजेक्ट, एसी, सिट क्षमता बढाउने लगायत उपकरणहरु संवर्धनमा करीब १ करोड रुपैया खर्च भएको उनले बताए । हलको २२२ जनाको सिट क्षमता रहेको छ । यसैगरि एसि र साउण्ड गुणस्तरलाई समेत विशेष ब्यवस्था गरिएको छ। मुभि ठेयटरलाई उपयोगी हुने हलको डल्बी साउण्ड गुणस्तर रहेको छ ।

बिहानी शो न्यून र डिल्स डे (मंगलबार र बुधबार) न्यून शुल्क राखिने उनले बताए । भ्यु सिनेमा पेज नै अब फ्रेण्डस सिनेमाबाट संचालन हुने उनले बताए । बक्स अफिस तल्लो र माथिल्लो तलामा गरि दुबै स्थानमा राखिएको उनले बताए । टिकट अनलाईन रहेको छ । उद्घाटनको पहिलो हप्ता हुदा दर्शकहरुलाई १५० को टिकट शुल्क राखिएको उनले बताए । दैनिक पाच देखि ६ शो देखाउने उनले बताए ।