© २०२३
१९ मंसिर २०८२, शुक्रबार
१९ मंसिर २०८२, शुक्रबार
कपिलवस्तु, ११ मंसिर
कपिलवस्तु प्रहरीले सोमबार राति भारतबाट नेपालतर्फ गैरकानूनी रुपमा प्रवेश गरेका दुई चिनिया नागरिकलाई नियन्त्रणमा लिएको छ ।
जिल्लाको शुद्धोधन गाउँपालिका वडा नम्बर ५ घिराउजोतमा नेपाल प्रहरीको र सशस्त्र प्रहरीको टोलीले संयुक्त गस्ती गर्ने क्रममा उनीहरुलाई नियन्त्रणमा लिएको हो । सिमाबाट नेपालतर्फ गैरकानूनी रुपमा भारत उत्तर प्रदेश सिद्धार्थनगर जिल्ला कक्रहवाका २३ बर्षिय अरबाज शेषले गाईड गरी ल्याउँदै गरेका ३२ बर्षीय चिनिया नागरिक लिगुवानगुई र अर्का चिनिया नागरिक ३५ बर्षका छिट्टो गरी तीन जनालाई नियन्त्रणमा लिएको हो ।
प्रहरीले लिगुवान गुईको साथमा चिनिया पासपोर्ट रहेको तर छिट्टो सँग चिनिया पासपोर्ट नभएको जनाएको छ । उनीहरुको साथबाट प्रहरीले ल्यापटप २ थान, विभिन्न कम्पनीका ६ थान मोबाईलसँगै भारतीय नगद १४ हजार ७ सय ५० रुपैयाँ बरामद गरेको छ । गैरकानूनी रुपमा नेपाल प्रवेश गरेका दुई चिनिया नागरिक र उनका भारतीय गाईडलाई थप अनुसन्धानका लागि अध्यागमन कार्यालय बेलहिया रुपन्देही पठाइएको जिल्ला प्रहरी कार्यालय कपिलवस्तुका प्रवक्ता प्रहरी नायब उपरीक्षक मोहनमणि अधिकारीले जानकारी दिए ।
© २०२३
सर्वाधिकार सुरक्षित
Design & Developed By:
