खोज

बुटवल, ११ मंसिर ।

कोटइमाई गाउँपालिकाले किसानको लागि निःशुल्क विद्युत उपलब्ध गराउने योजना अगाडि बढाएको छ । गाउँपालिका भित्रका किसानलाई निःशुल्क विद्युत आपूर्ति गर्ने योजना रहेको पालिकाका अध्यक्ष बालकृष्ण त्रिपाठीले जानकारी दिए ।
नेपाल विद्युत प्राधिकरण संगको लागत साझेदारीमा विद्युतीकरण परियोजना सुरुवात भएको छ । पालिका सँग भएको सम्झौता अनुसार ४० वटा विद्युतीय ट्रान्सभिटर जडानका काम सकिएका छन् । यस्तै दोस्रो चरणमा थप ४० वटा ट्रान्समिटर जडान गरिने योजना रहेको नेपाल विद्युत प्राधिकरण भैरहवा वितरण शाखाले जनाएको छ ।
गाउँपालिकाका अध्यक्ष बालकृष्ण त्रिपाठीले पहिलो चरणमा वडा नम्बर १, २ र ३ को केही क्षेत्रमा तारपोल व्यवस्थापनको काम सुरु गरेको हो । यो योजनाले कृषकलाई सिँचाइका लागि निःशुल्क विद्युत् उपलब्ध गराउने बताए । यसले उत्पादन लागत घट्ने र कृषकको उत्पादन क्षमता वृद्धि हुने अपेक्षा राखिएको बताए ।’ सिँचाइमा खपत हुने विद्युत् गाउँपालिकाबाट निःशुल्क उपलब्ध गराउँदा कृषकको मनोबल उच्च हुने र खेतीपातीमा धेरै सुधार हुने उनले जनाए । पहिलो चरणमा वडा नम्बर १ लेखि ७ नम्बर वडाका सबै किसानलाई निःशुल्क बिजुली प्रदान गर्ने योजना रहेको अध्यक्ष त्रिपाठीले जानकारी दिए । उनका अनुसार सिंचाईं अभावको कारण किसानले खेतीपाती गर्न बाट बञ्चित भएको अवस्थामा पालिकाले प्रदान गर्ने निःशुल्क बिजुलीले ५ हजार हेक्टर भन्दा बढिमा खेती हुने अपेक्षा समेत लिइएको छ । उनी भन्छन्–‘सिंचाई अभावले बाँझो रहेको जग्गा अब बाँझो रहँदैन, किसानले बिजुली निःशुल्क पाउँछन्, सिंचाई बढ्छ, उत्पादन पनि बढ्छ ।’
नेपाल विद्यूत प्राधिरण र गाउँपालिकाको ५०÷५० लागत साझेदारीमा पुरा गर्न लागिएको यो परियोजन अन्र्तगत किसानले निःशुल्क विद्युत पाउने छन् । प्रदेशमा नै पहिलो पटक पालिका संगको साझेदारीमा यो कार्यक्रम सुरुवात गरिएको हो । विद्युत प्राधिकरणले ट्रान्समिटर राखीएको स्थानबाट विद्युत खपत भएको विवरण संकलन गरी त्यहाबाट नै विलिङ्ग गाउँपालिकाको नाममा गर्ने छ । यसरी पालिकाले किसानले उपभोग गरेको विद्यूत बापतको रकम तिर्ने योजना बनाएको हो । चालु आर्थिक वर्षमा गाउँपालिकाका वडा नम्बर ३, ४ र ५ मा विद्युतीकरण कार्य सम्पन्न गर्ने लक्ष्य राखिएको प्रमुख प्रशासकिय अधिकृत दिनेश गौडले बताउँछन् । गौड अनुसार यस कार्यको लागि १ करोड ५० लाख रूपैयाँ बजेट बिनियोजन भएको जानकारी दिए ।
कुल ७ करोडको परियोजनामा पहिलो चरणमा ३ करोड रूपैयाँ बराबरको काम अहिले जारी रहेको छ । जसमा अर्को चरणको काम पुरा गर्नको लागि छिट्टै टेन्डर आह्वान गरी काम सुरुवात गरिने योजना रहेको नेपाल विद्यूत प्राधिकरण भैरहवा वितरण शाखा प्रमुख सञ्जय मिश्रले जानकारी दिए । उनका अनुसार यो परियोजना लागू भएपछि ग्राहकको घर–घर गएर मिटिर रिडीङ्ग गर्ने पर्ने समस्या समेत अन्त्य हुने भएको छ । यस्तै विद्युत हुकीङ्ग हुने समस्या पनि समाधान हुने छ भने विद्यूत चुहावट समेत कम हुने अपेक्षा प्राधिरणले लिएको छ ।