खोज

कपिलवस्तु, ०९ मंसिर।
जिल्लाका बालबिकास शिक्षकको लागि १० दिने प्रारम्भिक बाल बिकास सम्बन्धि आधारभुत शिक्षकको व्यवसायीक बिकास (टिपीडी १) तालिम दिईएको छ । सेचन करुणाको सहयोग र शिक्षा तालिम केन्द्र लुम्बिनी प्रदेश रूपन्देहीको आयोजनामा जिल्लाको दुई पालिकाका १५ जना बाल बिकास शिक्षकलाई तालिम दिईएको हो । तालिममा यशोधरा गाउँपालिकाको वडा नम्बर ७ र ८ तथा बिजयनगर गाउँपालिकाको १,२ र ७ नम्बर वडाका बालबिकासका शिक्षक सहभागी थिए ।
तालिमको समन्वय यशोधरा गाउँपालिका र बिजयनगर गाउँपालिकाले गरेका थिए । प्रारम्भिक बाल बिकास पाठ्यक्रमले निर्धारण गरेका बालबालिकाको ज्ञान, सिप र व्यवहारलाई उनिहरूको बिकासात्मक अवस्था, क्षमता र अभिरुची अनुसार प्रभावकारी शिक्षणका लागि बिषयवस्तु, ज्ञान तथा शिक्षण सिप बिकास गर्ने उद्धेश्यका साथ तालिम आयोजना गरिएको हो । त्यसै गरि सिकाई उपलब्धी मुल्याङ्कन, प्रगती बिश्लेषण तथा उपचारात्मक शिक्षण सञ्चालनका बहुआयामिक तौर तरिका प्रदान गर्ने, सिकाई शैक्षिक सामाग्री निर्माण, बालमैत्री बातावरण व्यवस्थापनमा सहयोग, बालबालिकाको बिबिधता व्यवस्थापन र आपतकालिन अवस्थाको व्यवस्थापन बारेको प्रष्टता ल्याउने पनि उद्धेश्यमा रहेको थियो ।

तालिममा प्रशिक्षार्थी बाल बिकास शिक्षिकालाई पेशागत बिकास, पाठ्यक्रम अनुसार कक्षा सञ्चालन, कक्षा कोठा व्यवस्थापन, सिकाई क्षेत्र व्यवस्थापन, बिद्यार्थीको निरन्तर मुल्याङ्कन, बिषयवस्तु अनुसारको शैक्षिक सामाग्री निर्माण, बालबिकास शिक्षकमा हुनु पर्ने गुणहरू र अभिभावकको भुमिका बारे सहजीकरण गरिएको थियो । तालिममा सेतो गुरास बाल बिकास केन्द्रकी प्रशिक्षक अनिता शर्मा र तालिम केन्द्रका प्रशिक्षक हिमलाल खनालले सहजीकरण गरेका थिए । तालिम पछि कार्यक्रममा सहभागी बालबिकास शिक्षकले प्रारम्भिक बाल बिकासको कार्यलाई थप प्रभावकारी बनाउन सक्षम हुने प्रशिक्षक अनिता शर्माले बताईन ।
तालिमले आफुहरूलाई बाल बिकासको लागि आवश्यक पर्ने शैक्षिक सामाग्री निर्माण गर्न र बिद्यार्थीको सिकार्य उपलब्धी बृद्धि गराउने गरि बाल बिकास सञ्चालन गर्ने क्षमता अभिबृद्धि भएको बिजयनगरकी बालबिकास शिक्षिका सरस्वती डुम्रेले बताईन । तालिमले बाल बिकास शिक्षकमा नमुना शिक्षण सिकाई हुने करुणाका कपिलवस्तु फिल्ड अफिसकी शिक्षा तर्फकी कार्यक्रम अधिकृत दिल कुमारी चौधरीले बताईन ।
नेपाल सरकारको एकिकृत पाठ्यक्रम अनुसार सिकाई क्रियाकलापमा सहजता आउने उनको बुझाई छ । तालिम लिएका शिक्षकमा कक्षा कोठा व्यवस्थापन सगै सिकाईको सिप पुर्ण उपयोग हुने सेचेन करुणाका कपिलवस्तु फिल्ड अफिसका प्रमुख हुमलाल अधिकारीले जानकारी दिए । तालिममा सहभागी शिक्षकले बालबालिकाका लागि आवश्यक पर्ने सिकाईका समाग्री निर्माणमा भुमिका खेल्ने र पठ्नपाठ्न कार्य थप उपयोगी बन्ने शिक्षा समन्वय बिकास ईकाई कपिलवस्तुका प्रमुख लोकनाथ मरासिनीले बताए । तालिमले बाल बिकास शिक्षकको कार्य दक्षता बृद्धि हुने शिक्षा तालिम केन्द्र लुम्बिनी प्रदेश रूपन्देहीका प्रमुख दिवाकर भण्डारीले बताए । तालिमको उदघाटन समारोहमा सहभागी जिल्ला समन्वय समिती कपिलवस्तुका प्रमुख बाबुराम आचार्य र बिजयनगर गाँउपालिकाका प्रमुख गोपाल थापाले तालिमले बाल बिकास शिक्षकको कार्य दक्षता बृद्धि हुनेमा बिश्वास जनाएका थिए ।