खोज

बुटवल, ०९ मंसिर ।
कालिकानगरका होम बहादुर गर्बुजा बिरामी परेर अस्पताल भर्ना भएको पाच दिन भयो । स्वास्थ्य जाचसंगै शारीरिक कमजोर देखिएका उनलाई रगत चढाउनुपर्ने चिकित्सकको सुझाव दिए । परिवारका सदस्यहरू धेरै दुख पछि रगतको जोहो गर्न सफल भएको ज्वाई दिपक गुरुङले बताए । ‘ससुरा बुबाको रक्त समुह ए पोजिटिभ रगतको अभाव देखियो ।’— उनले भने । आफन्तले बि पोजिटिभ रगत दिएर सोधभर्ना गर्न खोज्दा पनि दुख भएको उनले बताए ।

यता सैनामैना नगरपालिकाकी सुत्केरी रोहिणी कुमारी चौधरीलाई रगत पाउन धौधौ भएको आफन्त बताउछन । ३२ वर्षीय चौधरी लुम्बिनी प्रादेशिक अस्पतालमा गर्भवती भएकी हुन । ‘ए’ पोजिटिभ रगत समुह रहेकी उनलाई शनिबार साझसम्म २ युनिट सेतो र १ युनिट रातो रगत चढाईएको छ । अहिले बुटवलको रक्तसंचार सेवा केन्द्र र भैरहवामा समेत ‘ए’ पोजिटिभ रगत अभाव छ ।

नेपाल स्वयंसेवी रक्तदाता समाजका जिल्ला अध्यक्ष कृष्ण चौहान क्षेत्रीले अहिले बुटवलमा ‘ए’ पोजिटिभ रगतका अभाव रहेको बताए । आकस्मिक रक्तदानबाट नै मागलाई पुरा गरिरहेको भन्दै उनले भर्खरमात्र अर्घाखाचीमा वृहत रक्तदानबाट रगत संकलन सहित सचेतना जगाउने कार्यक्रम गर्न सफल भएको बताए । तराई क्षेत्रमा अझै पनि रक्तदानप्रति धारणा परिवर्तन गर्न नसकिएको भन्दै उनले विभिन्न अभियानलाई तिब्रता दिन स्थानिय सरकारको पहल जरुरी रहेको बताए ।

हरेक वर्ष दशै-तिहार पछि विभिन्न समुहको रगत अभाव देखिने रक्तसंचार सेवा केन्द्र बुटवलकी प्रमुख राधा शर्माले बताईन । चाडपर्वमा रक्तदाताहरू बाहिर जाने हुदा पनि रक्तदान कार्यक्रममा रक्तदाता नहुदा रक्त अभाव देखिने गरेको उनले बताईन । अहिले ब्लड बैकमा दैनिक एक सय युनिट रगत खपत भईरहेको छ । यसैबिच मानविय सेवामा हातोमालो अभियान नारासहित रूपन्देही रिकण्डिसन ब्यवसायी संघ र नेपाल नियमित रक्तदाता संघ रूपन्देही शाखाको संयुक्त आयोजनामा शनिबार बुटवलमा १८ औ नियमित रक्तदान कार्यक्रम गरिएको छ ।
बुटवल उपमहानगरपालिकाका प्रवक्ता शिव राना, रूपन्देही रिकन्डिसन व्यवसाय संघका अध्यक्ष सन्तोष केसी, नेपाल नियमित संघका केन्द्रीय वरिष्ठ उपाध्यक्ष लेखनाथ भण्डारी, नियमित जिल्ला सल्लाहकार रितेश ज्ञवाली, रूपन्देही जिल्ला अध्यक्ष अशेष सिलवाल, नियमित अर्घाखाँची जिल्ला अध्यक्ष कृष्ण मुखिया, नियमितका केन्द्रका सचिव मन्जु गिरी, जिल्ला शाखाका उपाध्यक्ष भाष्कर शाहीले रक्तदातालाई ब्लड ब्याग हस्तान्तरण गरि कार्यक्रम शुभारम्भ गरेका थिए । शनिबार भएको कार्यक्रममा २५ युनिट रगत संकलन भएको जिल्ला सहसचिव मुना पोखरेलले बताईन ।