खोज

बुटवल, ८ मंसिर । रोटरी क्लब अफ बुटवलले लुम्बिनी वाणिज्य क्याम्पसमा बिबिए अध्ययरत एक छात्रालाई ५० हजार रुपैयाको छात्रवृत्ति रकम हस्तान्तरण गरिएको छ । क्लबका पुर्वअध्यक्ष पुरन श्रेष्ठले शनिबार एक कार्यक्रमका बिच संरक्षक लिण्डा ज्याक्सन संरक्षक रहेको हेल्पिङ हेण्ड नेपालको छात्रवृत्ति लुम्बिनी वाणिज्य क्याम्पसमा बिबिए आठौ सेमेस्टरमा अध्ययनरत अस्मिता अर्याललाई हस्तान्तरण गरेका हुन । यो दोस्रो किस्ता बापतको रकम भएको श्रेष्ठले बताए ।

सामाजिक क्षेत्रमा अग्रसर रहेको रोटरीमार्फत गरिब, जेहेन्दार विद्यार्थीहरुलाई सहयोग गर्दै आएको क्लबका अध्यक्ष प्रज्वल थान्जुले बताए ।
यसैबिच क्लबको १५४० औ नियमित बैठकमा क्लासिफिकेसन एजेण्डा अन्तरगत क्लबका पुर्व सचिव तथा प्राध्यापक उद्वव चन्द्र गौतमले आफ्नो पेशा र सामाजिक क्षेत्रका अनुभव बताए । वकालत गर्ने लक्ष्यसहित अघि बढेको उनी पेशा परिवर्तन देखि विभिन्न संघसंस्थामा नेतृत्वका बारेमा बताए । २१ वर्षको लामो अध्ययापनको अनुभव, कृषि र पशुपालन पेशामा राज्यबाट नीतिगत कठिनाईका कारण आईपरेका चुनौतीहरु समेत सुनाए । सरकार पक्षबाट नै नितिगत कमजोरीका कारण अहिलेको वैदेशिक शिक्षाको समस्या देखिएको उनको दाबी छ । छिमेकी भारतमा कृषिमा अनुदानको कारण किसानलाई फाईदा मिलेपनि नेपालमा अवस्था फरक रहेको उनले दुखेसो गरे । ‘नेपालमा राम्रो पोलिसी निर्माण भएन ।’— उनले भने ।

कार्यक्रममा क्लबका अध्यक्ष प्रज्वल थान्जुले आगामी हप्ता हुने क्लबको चार्टर नाईटको तयारी, वृहत रक्तदान कार्यक्रमका बारेमा बताए । यसैगरि क्लबका शुरु भएका परियोजनामध्येको महत्वपूर्ण देविनगरस्थित शवदाह गृहको निमार्ण प्रगतिबारे जानकारी दिए ।

कार्यक्रममा चार्टर नाईट संयोजक लालहरि पाण्डेले चार्टर नाईटको तयारी र त्यसअघि ईन्टरयाक्ट क्लबहरुको सहकार्यमा रक्तदान गरि पछिल्लो समय देखिएको विभिन्न रक्तसमुहको अभावलाई कम गर्ने बताए ।

कार्यक्रममा क्लबका पुर्व अध्यक्ष महेन्द्र श्रेष्ठ, सचिव बिरेन्द्र राना, गोपाल प्रसाद अधिकारीले सामाजिक परिवेश र अनुभवसंगै रोटरी सिकाई बारे प्रकाश पारे ।