खोज

बुटवल, ६ मंसिर । कालिका मानव ज्ञान माबिमा कानुन विषय अध्ययन गर्ने विद्यार्थीहरुको बोल्ने र क्षमता विकासको कला वृद्धि हुने गरि बहस कार्यक्रम संचालन गरिएको छ । विद्यालयको कानुन विद्यार्थी समाजद्धारा विहिबार आयोजना गरिएको बहस कार्यक्रम (बादबिबाद) दोस्रो चरणबाट उत्कृष्ट हुदै अस्मिता खडका, रेबीसा कुँवर क्षेत्री, सुरक्षा सारु मगर, शिक्षा भट्टराई, क्षितिज पौडेल र सदिक्षा भट्टराई अन्तिम चरणमा प्रवेश गरेको प्रतियोगिताका निर्णायक ज्ञानु केसीले बताईन ।

‘बौद्धिक पलायनमा वृद्धिः अवसरको कमि वा महत्वकाक्षी प्रवृत्ति’ शिर्षकको पक्ष र विपक्षमा विद्यार्थीहरुले बादबिबाद गरेका थिए ।
कार्यक्रमको मानविकी तथा कानुन विभाग ईन्चार्ज बिमल आत्रेयले कुल ५० पुर्णाक राखेर गरिएको प्रतियोगितामा १० जना विद्यार्थीहरुले विषयबस्तुमा बहस गरेको बताए । सहभागीहरुले पक्ष र विपक्षमा ५ मिनेटमा आआफनो प्रस्तुतिसहित विषयबस्तुमाथि तर्क राखेको उनले बताए ।

कार्यक्रममा विद्यालयका कानुन शिक्षक युवराज कंडेलले बोल्न र क्षमता विकासको कला सिकाउन कार्यक्रम महत्वपूर्ण भएको बताए । विद्यार्थीहरुलाई स्थानिय तहमा भ्रमण, नमुना संसद, संसद भ्रमण, जेल अवलोकन लगायतका धेरै फिल्ड वर्क कार्यक्रमहरुमा जोड दिदै आएको उनले बताए । आगामी दिनमा थप कार्यक्रमलाई जोड दिएर नया ढंगका कार्यक्रम गरिने उनले बताए ।

कार्यक्रममा कालिका मानव ज्ञान माबि ब्यवस्थापन समितिका अध्यक्ष नित्यानन्द ज्ञवालीले आफुले पढेको विषयलाई ब्यवहारमा ल्याउन सकिने कार्यक्रम भएको बताए । न्याय सम्पादनको जस्तो महत्वपूर्ण विषय राज्य संचालनमा जरुरी रहने भन्दै यस्ता कार्यक्रमलाई विद्यालयबाट निरन्तरता दिने समेत उनले बताए । तार्किक क्षमता विकास गर्ने माध्यम बहन कार्यक्रम भएको उनले बताए ।

कार्यक्रममा विद्यालयका प्रअ दिनेश थापाले समयसापेक्ष शिक्षाको आवश्यकतालाई मध्येनजर गरि ब्यवहारिक ज्ञानमा जोड दिदै आएको बताए । विद्यालयमा वार्षिक कार्ययोजना बनाएर नै रचनात्मक कार्यक्रम हुदै आएको उनले बताए ।

कार्यक्रममा बुटवलटुडेका सहसम्पादक स्वस्तिक श्रेष्ठ, अग्रेजी शिक्षक ओमकार पौडेलले किताबी ज्ञानसंगै विद्यालयमा गरिने यस्ता रचनात्मक गतिविधिबाट विद्यार्थीहरुमा आत्मविश्वास बढ्नुका साथै नया नया तथ्याकहरु र सुचनामा अपडेट हुन सहयोग मिल्ने बताए ।
कानुन विद्यार्थी समाजका अध्यक्ष संजोग न्यौपानेले पहिलो चरणमा ५२ जना सहभागी विद्यार्थीहरुबाट छनौट भई दोस्रो चरणमा १० जना प्रतिस्पर्धा गरेको बताए । प्रतियोगितामा कानुन शिक्षक नेत्रलाल पाण्डे, ज्ञानु केसी, दामोदर घिमिरे निर्णायक रहेका थिए ।