खोज

मंसीर ५, बुटवल । एम्स कलेज बुटवलले आफ्ना विद्यार्थीहरुलाई प्रविधिमैत्री शिक्षामा जोड्ने गरि विभिन्न कार्यक्रम गर्दै आएको छ । यसैक्रममा मंगलबार कलेजले समग्र शैक्षिक उन्नोयन, बृत्ति बिकाश र अर्थ उपार्जनका लागि डिजिटल रुपान्तरण विषयक सेमीनार सम्पन्न गरेको हो । सेमीनारमा प्रशिक्षक आईडिया फ्यूजनका कार्यकारी निर्देशक एवं इड्राईभका अध्यक्ष राजकुमार गुप्ताले विद्यार्थीहरुलाई डिजिटल बजारीकरण, त्यसको उपयोग र प्रभावको बारेमा अभिमुखीकरण गरेका थिए ।

कृतिम बौद्धिकताको प्रयोग, फेसबुक, हवाट्स एप, इन्सटाग्राम जस्ता सामाजिक संजालबाट सिर्जनशिल कार्यहरु गरि अर्थ आर्जनका साथै वृत्तिविकाश गर्न सहभागीहरुलाई उत्प्रेरित समेत गरे । सामाजिक संजालको उचित र व्यापक उपयोग गर्दै ज्ञानको भण्डार बढाउन र अर्थ आर्जनको साधन बनाउन सिर्जनशिल कामका लागी ब्यवसायिक ट्रोल, मिडीया, रिल आदि बनाउन सिकाईने क्याम्पस प्रमुख दीपक ढकालले बताए ।

सेमिनारमा प्राध्यापक गोविन्द शर्मा बस्याल, स्कलर्स होम स्कुलका सहप्राचार्य टीकाराम गौतम, प्लस टु संयोजक चेत नारायण पन्थी, स्टेरलाइङ्ग इन्टरनेशलन स्कुलका प्रमुख धिरेन राकस, सुरज शाक्यले प्रविधि र युवा सोचका बिषयमा जानकारी दिएका थिए । कार्यक्रममा ६५ जना विद्यार्थीहरुको सहभागीता रहेको थियो ।