खोज

बुटवल, ४ मंसिर । सामाजिक उत्तरदायित्व अन्तरगत रोटरी क्लब अफ बुटवल डाउनटाउनले गुल्मीको रुद्रवेणीस्थित श्रीराम मन्दिरमा आश्रित भक्तजनहरुलाई खाना खुवाउने तथा न्यानो कपडा वितरण कार्यक्रम गरेको छ । क्लबबाट टिआरएफ चेयर शंकर ज्ञवालीको सहयोगमा एक समारोहका बिच क्लबका पुर्व अध्यक्ष टंक प्रसाद पराजुली, बिमलराज भट्टराई, भरत राना, क्लबका अध्यक्ष शिव ज्ञवाली, सचिव कमल नेपाल, क्लब एडमिनिस्ट्रेटिभ चेयर प्रकाश पौडेलले श्रीराम मन्दिरका पिठाधिस क्षमानन्द सरस्वती, श्रीराम मन्दिर ब्यवस्थापन समितिका उपाध्यक्ष बलराम अधिकारीलाई सहयोग सामग्री हस्तान्तरण गरिएको हो ।

धार्मिक महत्व बोकेको रुद्रावतीको प्रचारप्रसारमा जोड दिएको समितिका उपाध्यक्ष बलराम अधिकारीले बताए । करिब १७० किलोमिटर टाढाबाट बगेको कालिगण्डकी र सयौ किलोमिटरबाट बगेकी बडिगाड नदीको संगमस्थल रुद्रावती रुपमा चिनिन्छ । यो स्थानमा भगवान विष्णुको अवतारका रुपमा मानिने शालिकग्राम पाईने हुदा पनि यसको महत्व हिन्दु धर्मावलम्बीहरुमा धेरै रहेको उनले बताए । आफुहरुले ४० हजार बढि शालिग्रामहरु संग्रह गरेर राखेको तथा ब्यवस्थित रुपमा प्रर्दशनको तयारीमा रहेको उनले बताए । हाल मन्दिरमा नै सामुहिक पुजा गरिने शालिग्राम आएको उनले बताए । सागुरेमा ड्याम बनाएर उत्कृष्ट गन्तव्य बनाउन डिपिआर समेत बनेको उनले बताए । शुभकार्यहरुमा विभिन्न दाताहरुबाट हुने सहयोगबाट आश्रममा आश्रित कल्पबासीहरुलाई खानपिनमा खर्च जुट्ने गरेको उनले बताए । ‘नियमित आयश्रोत भने छैन ।’—उनले भने । हाल आश्रममा ४२ जना कल्पबासीहरु रहेका छन ।

यसैगरि यसअघि क्लबको १००० औ नियमित बैठक तथा हाईकिङ कार्यक्रम साबिक लुम्बिनी अंचलको सबैभन्दा अग्लो स्थान थाप्लेको डाडामा रहेको पर्यटकिय स्थल सत्यवती मन्दिर परिसरमा सम्पन्न भएको छ । ऐतिहासिक बैठकमा क्लबका अध्यक्ष शिव ज्ञवालीले पुर्वअध्यक्षहरुलाई सम्मान गर्दै पर्यटकिय स्थलको प्रचारप्रसारमा थोरै भएपनि योगदान दिने गरि हाईकिङ कार्यक्रम राखिएको बताए । देशभित्र नै रहेका सुन्दर पर्यटकिय क्षेत्रको प्रचार हुने गरि कार्यक्रम गरिएको उनले बताए ।

कार्यक्रममा अतिथि बक्ताका रुपमा न्यु होराईजनका जिवलाल ज्ञवालीले गुल्मीको सबैभन्दा अग्लो, पर्यटकिय र धार्मिक बुढी सत्यवती मन्दिरलाई प्रचारप्रसारसंगै भौतिक पूर्वाधारबाट जोड्न जरुरी रहेको बताए ।

कार्यक्रममा क्लबका पुर्व अध्यक्ष टंक प्रसाद पराजुली, क्लबका पुर्व अध्यक्ष बिमलराज भट्टराई, भरत राना, प्रेसिडेन्ट नोमिनि धर्मदत्त ज्ञवाली, सचिव कमल नेपाल, क्लब एडमिनिस्ट्रेटिभ चेयर प्रकाश पौडेलले नेतृत्व विकास, समुदायको हितमा रोटरीको योगदान महत्वपुर्ण रहेको बताए ।