खोज

बुटवल, ०२ मंसिर ।
रसायन तथा मेडिकल आपूर्ति सँघ नेपाल रूपन्देही शाखाको तेस्रो वार्षिक साधारण सभा तथा दोस्रो अधिवेशनमा बोल्ने बक्ताहरूले राज्यले रसायनको काम गर्ने ब्यबसायीलाई गलत नजरले हेर्दा ब्यबसायीहरूले दुःख खेप्दै आएको गुनासो गरेका छन । मानिसको जीवन सँग प्रत्क्षय जोडीएको बस्तुलाई भन्सार कर्मचारीले बिभिन्न खाने बस्तुको रूपमा मूल्यांकन गर्दा ब्यबसायी मारमा पर्दै आएको गुनासो गरेका हुन् ।

कार्यक्रममा बोल्दै रसायन तथा मेडिकल आपूर्ति संघका केन्द्रीय अध्यक्ष भक्त हमालले रसायन तथा सर्जिकलको कारोबार गर्नेहरूका लागि नियामक गर्ने राज्यको छुट्टै निकाय जरुरी रहेको बताए । नेपालमा आयात गरिने रसायनको उत्पादन गर्ने तरिका र क्वालिटी चेकजाँच गनुपर्ने भन्दै राज्यले अन्य बस्तु सरह केमिकल र रसायनलाई हेर्दा ब्यबसायीहरू समस्यामा पर्ने गरेको उनको भनाई छ । अध्यक्ष हमालले भने हामीले पटक–पटक राज्यका बिभिन्न निकाय सँगको छलफलपछि औषधि ब्यवस्था विभागले केही दिन अगाडि रसायन तथा मेडिकल जन्ने वस्तुको ब्यवसाय गर्ने ब्यवसायीहरूलाई सुचिकृत गर्ने गरी सूचना जारी गरेर ब्यबसायीहरूलाई केही राहात हुने काम सुरु गरेको बताए ।

हमालले भने हामी नेपाली ब्यबसायी सामान आयात गर्ने मात्र नभएर आफ्नै देशमा त्यस्ता बस्तुको उत्पादनमा लाग्न आग्रह गरे । पछिल्लो समय देसैभरि बक्यौता रकमले ब्यबसायीहरू अप्ठारोमा परेको गुनासो आएपछि नेपालमा रहेका ५ वटा स्वास्थ्य संस्थाहरूसँग मिलेर एउटा लुज फोरम बनाउने तैयारी भैरहेको उनको भनाइ छ । केन्द्रीय उपाध्यक्ष उमेश लामिछानेले रसायनको कारोबार गर्ने ब्यबसायीहरू जिम्मेवार हुनु जरुरी रहेको बताए । मानिसको जीवन सँग प्रत्यक्ष सरोकार राख्ने बस्तु भएकाले यसको बेचबिखन गर्दा होसियारी जरुरी रहेको बताए । रसायन तथा मेडिकल आपूर्ति सँघ केमसन रूपन्देहीका अध्यक्ष बाबुराम भन्डारीले संस्थालाई यहाँ सम्म ल्याउन सहयोग गर्नेहरmलाई धन्यवाद दिँदै हामीले गर्दै आएको ब्यवसाय नितान्त मानव जीवनको संरक्षण स्वास्थ्य उपचार सँग सम्बन्ध रहेको बताए । यो ब्यवसाय आफैमा जोखीमपूर्ण छ तर राज्यले उपकरण खरिद बिक्री गर्नेको नियमन गर्ने छुट्टै निकाय नहुँदा पटक–पटक ब्यबसायीहरू राज्यबाटै समस्या खेप्नुपरेको बताए । राज्यले रसायन तथा सर्जिकलका सामानहरूमा लगाउँदै आएको मूल्य अभिबृद्धि कर समेत बिभेदपूर्ण रहेको गुनासो गरे । अध्यक्ष भन्डारीले भने बिभिन्न देशबाट सामान ल्याउँदा भन्सारमा फरकफरक शुल्क र प्रोडक्ट कोडको फरक अर्थ लगाएर दुःख दिने गरेको उनको भनाइ छ । नेपाल औषधी ब्यबसायी सँघ रूपन्देहीका अध्यक्ष खड्क बहादुर बस्नेतले औषधि र रसायन एक अर्काका पुरक रहेकाले दुबै संस्था मिलेर जान आग्रह गरे कार्यक्रममा केमसन केन्द्रीय सदस्य अर्जुन रानाभाट, बिजय खनाल, नेपाल पत्रकार महासँघ रूपन्देहीका उपाध्यक्ष बिश्वास ढकाल, औषधि ब्यबसायी सँघ लुम्बिनीका अध्यक्ष लुकराज न्यौपाने, केमसन दाङका अध्यक्ष बाल कुमार घर्ती मगर सुभकामना दिएका थिए ।