खोज

बुटवल, २ मंसिर ।

बुटवल उपमहानरपालिका वडा नम्बर १० मा अवस्थित कालिका मानवज्ञान माविले विद्यालयमा अध्ययन पूरा गरी नेपाल सरकारले लिएको विभिन्न क्षेत्रको प्रवेश परीक्षामा छात्रवृत्तिमा नाम निकाल्ने विद्यार्थीहरुलाई नगद सहित सम्मान गरेको छ । आइतबार सेक्टर १ कालिकानगरमा एक कार्यक्रमको आयोजना गरी बधाई तथा सम्मान गरेको हो ।

विद्यालयबाट विभिन्न क्षेत्रको प्रवेश परीक्षामा सहभागी भई ६४ जना विद्यार्थीले स्नातक तह अन्तर्गतका विभिन्न संकायमा पूर्ण छात्रावृत्तिमा नाम निकालेका छन् ।

जसमध्ये एमबिबिएसमा मात्रै १५ जना विद्यार्थीले पूर्ण छात्रावृत्तिमा नाम निकालेका छन् । विद्यालयका प्रधानाध्यापक दिनेश थापाले खुल्ला प्रतिष्पर्धामा एउटै विद्यालयमा पूर्ण छात्रवृत्तिमा एमबिबिएसतर्फ धेरै जनाले नाम निकाल्ले कालिका पहिलो स्कूल भएको दावी गरे । यस्ता विभिन्न उपलब्धी हरेक वर्ष हासिल गर्दै आएको बताए ।

उनले विद्यार्थीहरुको कडा मिहिनेत साथै विद्यालयको उत्कृष्ट शैक्षिक वातावरणले गर्दा नतिजा राम्रो आएको बताउँदै अहिलेको मिहिनेतलाई थप परिस्कृत बनाउँदै जान विद्यार्थीहरुलाई शैक्षिक समुज्जल भविष्यको कामना समेत व्यक्त गरे ।

विद्यालयबाट कक्षा १२ उत्तीर्ण भएका विद्यार्थीहरु मध्ये १५ जनाले एमबीबीएसको परीक्षामा पुर्ण निःशुल्क छात्रवृत्तिमा नाम निकाल्न सफल भएका हुन् । जुन सामुदायिक विद्यालयतर्फ नेपालमै पहिलो हो । यस्तै विडीएसतर्फ ५ जना, अप्टोमेट्रो तर्फ २ जना, बीएमएलटीतर्फ २ जना, बी फार्म तर्फ ५ जना, बीएस्सी नर्सिङ्गमा १३ जना, बीएस्सी भेटेरिनरीमा २ जना, बीएस्सी एजीमा २ जना, बीपीएच तर्फ ३ जना र ईन्जिनिरिरिङ्गतर्फ ११ जनाले नामा निकाल्न सफल भएका हुन् ।

विद्यालयका व्यवस्थापन समितिका अध्यक्ष नित्यानन्द ज्ञवालीले विद्यार्थीहरुलाई बधाई तथा शुभकामना दिदै आगामी दिनमा पनि अहिलेको जस्तै कालिकाको नाम उच्च राख्नको लागि आग्रह गरेका थिए । शिक्षाको लागि दरिलो जग भनेको नै विद्यालय तह भएको भन्दै उनले आफ्नो लक्ष्य निर्धारणको लागि विद्यार्थीहरुले कडा भन्दा कडा मिहिनेत गर्न आग्रह समेत गरेका थिए । अध्यक्ष ज्ञवालीले कालिका हरेक हिसाबले देशकै अब्बल सामुदायिक रहेको बताउँदै यसलाई सधै निरान्तरको आवश्यक रहेको बताए ।

कालिकामा ८ हजार विद्यार्थी अध्ययनर छन् । कालिकामा अध्ययनरत विद्यार्थीले एसईई परीक्षामा चार जीपीए ल्याएर उत्तीर्ण भएका थिए । वडा नम्बर १० का वडा सदस्य यमुना काउचाले विद्यालयका गरेको हरेक सफलताको प्रचार–प्रचार आवश्क रहेकोमा जोड दिइन् । कार्यक्रममा विद्यालयका सहायक प्रधानाध्यापक पिताम्बर बन्जाडे, अभिभावक संघका अध्यक्ष केशवराज पोखरेल, विज्ञान संकाय ईन्चार्ज कृष्ण प्रसाद अधिकारी, अरविन्द कुमार दुबे लगायतले आ आफ्नो भनाई राखेका थिए ।