खोज

बुटवल, १ मंसिर । विद्यार्थीहरुलाई वैदेशिक शैक्षिक परामर्श सेवा दिदै आएको बिग एजुकेशन कन्सल्टेन्सीको छैटौ शाखा बुटवलमा शुभारम्भ गरिएको छ । काठमाडौंमा एक दशकदेखि विद्यार्थीहरुलाई शैक्षिक परामर्श दिदै आएको कन्सेल्टेन्सी शनिबारदेखि बुटवलको मिलनचोकमा कार्यालय शुभारम्भ गरिएको हो ।

कार्यक्रमको ईक्यान केन्द्रका अध्यक्ष शेषराज भट्टराईले उद्घाटन गर्दै अभिभावक र विद्यार्थीहरुको सपनालाई साकार बनाउन संस्थागत रुपमा ईक्यान सहकार्य गर्दै आएको दाबी गरे । बजारमा कतिपय कन्सल्टेल्सीहरुबाट विद्यार्थी र अभिभावकलाई ठगिने गरेको घटनाहरु सुनिने गरेको भन्दै केही संस्थाकै कारण समग्र संस्थालाई एउटै नजरबाट हेर्न नहुने उनले तर्क दिए । ‘कन्सल्टेन्सीहरु ईथिक्समा रहनुपर्छ ।’—उनले भने । सरकारसंग बेलाबेलामा छलफल गरि नीतिगत समस्याहरु परिमार्जनमा सफल भएको उनले बताए । समयको परिवर्तन अनुसार देश विकासमा दक्ष जनशक्ति प्राप्त गर्ने आधार विश्वब्यापी शिक्षा भएको भन्दै यसमा कन्सल्टेन्सीहरुको योगदानलाई नकार्न नहुने उनले बताए । कन्सल्टेन्सीहरु बिचमा बिग एजुकेशन आफ्नो छुट्टै पहिचान बनाउन सफल रहेको उनले बताए ।

कार्यक्रममा बिग एजुकेशनका संस्थापक सुरज केसीले एक दशकको यात्रामा संस्थाबाट गुणस्तरीय परामर्शको लक्ष्यलाई पुरा गरेको दाबी गरे । समुदायमा गरिने कर्मबाट नै पहिचान बन्ने भन्दै बिग एजुकेशनको फरक चिनारी रहेको उनले बताए । सरोकारवालाबाट निरन्तर आउने सल्लाह, सुझाव र खबरदारी संस्थाको मार्गदर्शन हुने तर्क दिए । संस्थाबाट कहिलेकाहि अन्जानमा घट्ने घटना र कमीकमजोरीलाई सहज रुपमा जिम्मेवारी लिने प्रतिवद्घता जनाउदै सुधारमा सधै अग्रसर हुने उनले बताए ।

कार्यक्रममा अमेरिकन कर्नरका संस्थापक अध्यक्ष दिलिप भट्टराईले शिक्षाको माध्यममा आमुल परिवर्तन भएको भन्दै विश्वब्यापी शिक्षाको नया पुस्ताप्रतिको मागलाई परामर्शदाताहरु सहयोग रहेको बताए । नेपाली विद्यार्थीहरु विदेशमा अध्ययनसंगै आफ्नो करियरमा उत्कृष्टता हासिल गरेको उदाहरण दिदै उनले यो देशकै लागि महत्वपुर्ण भएको बताए । अहिले सुरक्षित भविष्यको लागि नया पुस्ता विदेशमा जाने गरेको उनले तर्क दिए ।

कार्यक्रममा ईक्यान रुपन्देही अध्यक्ष गिरिराज पाण्डेले सिकाई कहिले अन्त्य नहुने भन्दै अध्ययनलाई समयसापेक्ष अघि बढाउनुपर्ने बताए । विद्यार्थीहरुको दोस्रो अभिभावकका रुपमा कन्सन्टेन्सीको पहिचान बनाउन जरुरी रहेको भन्दै उनले बिग एजुकेशन यो गरिमालाई कायम राख्ने गरि अघि बढन सुझाव दिए ।
कार्यक्रममा एलआईएम कलेजका सुर्यदिप घतानेले विद्यार्थीहरुको उत्कृष्ट कन्सेल्टेन्सीका रुपमा अघि बढाउन सुझाव दिए । बुटवलमा गुणस्तरीय सेवा दिन सफल हुनेमा आशाबादी रहेको उनले बता ए। फेशन विजनेशमा आधारित कलेजका रुपमा एलआईएम कलेज भएको भन्दै यसबाट बढिभन्दा बढि फाईदा लिन सकिने उनले बताए ।

कार्यक्रममा एभिल्ला युनिभर्सिटीका जुगल आचार्यले विगतदेखिको सहकार्य धेरै महत्वपुर्ण भएको बताए । विश्वभरकै विद्यार्थीहरुमाझ युनिभर्सिटी गुणस्तर शिक्षा र काउन्सिल दिने रुपमा परिचित भएको भन्दै उनले विद्यार्थीहरुलाई दबाब दिने नभई उनिहरुको क्षमता विकासमा आफुहरुबाट सहयोग हुने गरेको बताए ।

कार्यक्रममा बिग एजुकेशन बुटवल शाखाका म्यानेजिङ डाईरेक्टर रक्षा बज्राचार्यले बुटवलमा धेरै राम्रो शुरुवात भएको बताईन । आफनो विगतको शैक्षिक सेवाको योग्यता र अनुभवलाई संस्थागत रुपमा निरन्तर दिने उनले बताए । भर्खरमात्र युके एडमिसन डे समेत शुरु भएको हुदा विद्यार्थीहरुलाई अफरहरु समेत रहेको उनले बताईन । ओपनिङमा एडमिसन शुल्क फ्रि गरिएको तथा आईइएलटिएस र पिटिमा ५० प्रतिशत छुट दिईने उनले बताईन ।

कार्यक्रममा अमेरिकन कर्नर रुपन्देहीका दिपिका गिरि, पूर्व डिआईजी केश बहादुर शाही, ईक्यानका निवर्तमान अध्यक्ष देव कुवर, बिग एजुकेसन बुटवलका अध्यक्ष प्रमित बज्राचार्यले सहि परामर्शको अभावमा दुख पाएका विद्यार्थी र अभिभावकलाई कन्सल्टेन्सीबाट उपयुक्त सहयोग मिल्नेमा आशाबादी रहेको बताए । यसैबिच अतिथिहरुलाई मायाको चिनो समेत बितरण गरिएको थियो । शाखाबाट अष्ट्रेलिया, अमेरिका, युके, क्यानडा, न्युजिल्यान्डमा अध्ययनमा जान चाहने विद्यार्थीहरुलाई परामर्श र आवश्यक सहयोग दिईने छ ।