खोज

लमही, ०१ मंसिर ।

विभेदमा पारिएका समुदायको जिविकोपार्जन परियोजनाको सयुक्त रूपमा अनुगमन गरिएको छ । दलित सेवा संघ दाङ र बिकास कोष नर्बेको सहयोगमा सञ्चालन भएको परियोजनाको सयुक्त रूपमा शुक्रबार अनुगमन गरिएको हो ।
बबई गाउँपालिकाका अध्यक्ष कुलबहादुर खत्री क्षेत्री, उपाध्यक्ष बमकुमारी खड्का, दलित सेवा संघका सचिब सन्तोष चनारा, महिला तथा बालबालिका शाखा बबईका ईश्वरा रावत, कृषि शाखा बबईका प्राबिधीक प्रताप नेपाली, पत्रकार प्रेमबहादुर राम्जाले सयुक्त रूपमा परियोजना मार्फत् सञ्चालन भएका क्रियाकलापको अनुगमन गरेका हुन ।

परियोजना मार्फत् बबई गाउँपालिका र तुलसीपुर उपमहानगरपालिकामा अर्ध ब्यबसायी तथा ब्यबसायिक तरकारी खेती, पशुपालन जस्ता क्रियाकलाप सञ्चालन भएका छन् । विभेदमा पारिएका समुदायको जिविकोपार्जन परियोजना दाङको बबई गाउँपालिका वडा नम्बर ४, ५, ६ र ७ तथा तुलसीपुर १३ मा सञ्चालन भएको छ ।

सयुक्त अनुगमनमा बबई ७ मा रहेको तरकारी, बबई ५ को खयरभट्टीको पशुपालन तथा बबई ४ मा रहेको तरकारी खेतीको अनुगमन गरिएको हो । साथै आगामी दिनमा परियोजना मार्फत् सुधार गर्नुपर्ने योजनालाई पहिचान गरिएको थियो । बबई गाउँपालिकामा परियोजना सञ्चालनका लागि १२ वटा समुह गठन गरिएको छ । समुह मार्फत् दलित महिला बहुउद्देश्यीय कृषि सहकारी सस्था गठन गरिएको छ ।