खोज

नवलपरासी, ०१ मंसिर ।
जिल्लास्थित रामग्राम फुटबल रगशाला (स्टेडियम) को प्रवेशद्वार (गेट) निर्माण भएपनि रँगशालाको निर्माण कार्य तीब्र गतिमा हुन सकेको छैन् । लुम्बिनी प्रदेश सरकारको सहयोगमा सो रंगशाला विगत पाँच बर्षदेखि निर्माण हुँदै आए पछि कछुवा गतिमा मात्र काम भइरहेको स्थानीयले बताएका हुन् ।
प्रत्येक पालिकालाई तत्कालिन लुम्बिनी प्रदेश सरकारले गौरवका योजना माग गर्दा रामग्राम नगरपालिकाले रामग्राम नगरक्षेत्र भित्र रंगशालाको आवश्यकता पहिचान गरि रंगशाला माग गरेको थियो । उतm रंगशाला हाल रामग्राम नगरपालिका वडा नं. ४ जितपुर स्थित पाल्ही बहुमुखी क्याम्पस परिसरमा निर्माणाधिन अवस्थामा छ । फुटवल रंगशालाको नाम दिईए पनि अन्य सबै खेलहरू गर्न सक्ने गरि रंगशालाको निर्माण भइरहेको छ । नगरक्षेत्रको रंगशालाको निर्माणका लागि उपयुतm स्थानको खोजी गर्दै जादा क्याम्पस परिसरमा रंगशाला निर्माणका लागि क्याम्पसले सहमति दिइएको थियो । क्याम्पसका लागि जग्गा छुट्टाई बाँकी जग्गामा रंगशाला निर्माण भइरहेको क्याम्पसका अध्यक्ष राधेश्याम पाठकले जानकारी गराए ।

रंगशाला तत्कालिन बेला सदरमुकाम परासी छाडेर वडा नं.१८ मा बनाउने कुरा नगरपालिकाले चलाउन थालेको थियो । उतm चर्चा पछि क्याम्पस अध्यक्ष पाठकले सदरमुकाम परासी भन्दा बहिर रंगशाला बनाउनु भन्दा सदरमुकाम मै बनाउनु पर्ने केही स्थानीय बुद्धिजिवि समाजसेवीहरूले आग्रह गरेको र आफूलाई पनि क्याम्पस नजिकै रंगशाला निर्माणले क्याम्पसलाई पनि सहयोगी पूर्वाधार हुन सक्ने भन्दै सहमति जनाएका थिए । रंगशालाकै कम्पाउण्डले क्याम्पसको कम्पाउण्डको काम गरेको छ, उनले भने, रंगशालाको पूर्वाधार क्याम्पसलाई पनि परिपुरक हुने र रंगशालाले स्थान पाउने हुँदा क्याम्पसले माछापालनका लागि निर्माण गरेको पोखरी समेत पुरेर निर्माण गर्ने सहमति भएको थियो । सोही बेलादेखि बजेट नियमित रूपमा आउने भएपनि निर्माण ब्यवसायीहरूको ढिलासुस्तीले पनि रंगशाला निर्माणमा ढिलाई भइरहेको उनको भनाइ थियो ।

रंगशालाको बिस्तृत परियोजना प्रतिवेदन (डिपिआर) त्यो बेला ६ करोड भएको र प्रदेश सरकारले पर्याप्त मात्रामा बजेट नपठाई दिएका कारण रंगशाला निर्माणको कामले गति लिन नसकेको रामग्राम नगरपालिका नगरप्रमुख धनपत यादवले बताए । यसका लागि नगरपालिकाले बेलामै छिटो भन्दा छिटो सम्पन्न गर्नका लागि लुम्बिनी प्रदेश सरकारसँग पहलहरू भइरहेको जानकारी गराएका थिए । कम्पाउण्ड निर्माणका कार्य सम्पन्न भइसकेको छ, उनले भने, कम्पाउण्डसँगै प्रवेशद्वार निर्माण भएको हँदा प्रवेशद्वार देखिने गरेको छ । तर रंगशाला भित्र अझै पनि थुप्रै कामहरू बाँकी नै रहेको छ । फिल्डका काम पनि बाँकी नै छ । त्यो भएर बाहिरबाट रंगशालाको गेट देखिने तर रंगशाला भित्र खेल नहुने अवस्था रहेको छ ।

रंगशालासँगै पार्कको निर्माणले क्याम्पस परिसरको सौन्दर्यता बढने विश्वास क्याम्पस अध्यक्ष पाठकको रहेको छ । लुम्बिनी प्रदेश सरकारका तत्कालिन भौतिक पूर्वाधार विकास मन्त्री बैजनाथ चौधरीको समेत विशेष पहल रंगशाला बनाउनमा रहेको क्याम्पस अध्यक्ष पाठकको भनाइ थियो । तर अहिलेको सरकारका मन्त्रीहरूले पनि यसलाई बेलामै सम्पन्न गर्नका लागि बजेट प्राथमिकतमा राख्नुपर्ने र बेलामै रंगशालाको निर्माण सकेर खेलकुदका कार्यक्रम गर्नुपर्ने अध्यक्ष पाठकले औंल्याएका थिए ।