खोज

बुटवल, २८ कार्तिक । नेपाली युवाहरुको मागलाई मध्येनजर गरि काठमाण्डौमा उत्पादन र बजारीकरण शुरु भएको लेडिज कपडाको बृहत् कलेक्सन ‘चिनो नेपाल’ बुटवलमा भित्रिएको छ । युवा ब्यवसायी नवराज बजगाईले काठमाण्डौमा नेपाली लेडिज कलेक्सन ब्राण्ड चिनो शुरुवात गरेका हुन । आठौ शाखाका रुपमा बिपि चोकस्थित मल्ली कम्प्लेक्समा मंसिर ८ गते चिनो शोरुमको औपचारिक उद्घाटन गर्ने भएको हो ।
बुधबार पत्रकार भेटघाटमा चिनो नेपालका अध्यक्ष नवराज बजगाईले स्वदेशी युवाहरुलाई देशभित्र नै रोजगार दिदै नेपाली युवाहरु लक्षित गरि उत्पादन शुरु गरेको बताए । पहिलो चरणमा लेडिज फेसन गार्मेन्ट शुरु गरेर काठमाण्ठौमा पाच तथा पोखरा, नारायणगढमा सफल भएपछि आठौ शोरुम बुटवलमा खोल्न लागेको उनले बताए । रुपन्देहीमा चर्चित टाईगर रिर्सोट शुरुवात गरेको बजगाईले एक दिनमा २० करोड रुपैयाको कारोबार गरेको प्यालेसको अनुभव शेयर गर्दै स्टार्टअपलाई लक्षित गरि सरकारबाट योजना ल्याउन सकेमात्र सफल हुने बताए । महिलाबाट चलाईएको बिजनेश ८० प्रतिशत सफल भएको उदाहरण पेश गर्दै उनले नेपालमा युवा रोक्ने आधार उद्योग भएको बताए ।

नेपाली बजारलाई चीन र भारतबिच पुलका रुपमा बुटवल हब भएको दाबी गर्दै उनले निर्यात गर्ने लक्ष्यसहित ब्राण्डलाई अघि बढाएको बताए । निम्न आयस्तर रहेकोहरुलाई तालिम र क्षमता विकास गरि सामाजिक उत्तरदायित्वमात्र नभई आयस्तर उकास्ने गरि आयआर्जनमा जोड दिएर भुईमान्छेहरुलाई उद्योगमा समेटेको उनले बताए । हाल चिनोमा ४ सय जना कामदार रहेको भन्दै २ हजार सम्म रोजगार सृजना गर्ने लक्ष्य रहेको उनले बताए । ‘हामीले गुणस्तरमा जोड दिएको र गम्भीर भएर लागेका छौ ।’— उनले भने । एउटा उत्कृष्ट ब्राण्ड बनाउने गरि धेरै मेहनत गर्दै आएको उनले बताए । विश्वमा नै ब्राण्ड बनाउदा प्याट्रनलाई पहिल्याउने प्रचलन रहेको भन्दै उनले विश्व बजारको उत्पादनलाई ध्यानमा राखेर कपडा तयार गरेको बताए । उपभोक्तालाई सुपथ मूल्यमा बस्तु बिक्रीका लागि उत्पादनमा लाग्ने लेभर मूल्य नै मुख्य कारक हुने भन्दै उनले चाईनामा भन्दा पाच गुणा कममा नेपालमा बस्तु उत्पादन गर्न सकिने सम्भावना रहेको बताए । कोटा सिस्टममा काम गरिदा यो लेभर समस्यालाई हटाउन सकिने उनले बताए । हाल चिनोमा ३० करोड रुपैया लगानी भएको छ । आईपिओ खोल्ने तयारीमा रहेको उद्योगले ७० करोडमा पुर्याउने लक्ष्य रहेको छ । बुटवल ओपनिङमा नै ५० प्रतिशत छुट र ५ प्रतिशत समेत छुटको ब्यवस्था रहेको उनले बताए ।

कार्यक्रममा वरिष्ठ पत्रकार डा बालकृष्ण चापागाईंले युवाहरुलाई देशभित्र नै टिकाउने र बुटवलको आर्थिक चलायमान गराउने आधारका रुपमा चिनो भित्रिएको बताए । यो एउटा समुदाय लक्षित गरि चलाईएको योजनालाई सफल बनाउन सबैको हात रहने उनले बताए ।

कार्यक्रममा चिनो नेपालका संचालक मिनराज भुषाल, संचालक सदस्य राजेन्द्र डुम्रे, मार्केटिङ हेड सन्देश अधिकारीले युवाको मागलाई ध्यानमा राखेर उत्पादन गर्दा सफलता हासिल हुदै गएको बताए ।

कार्यक्रममा क्रियटिभ डाईरेक्टर प्रियंका कार्कीले नेपाली कपडाको गुणस्तरीय उत्पादनमा चिनो अगाडि बढेको बताइन । फेशनले संस्कृति र परम्परालाई चिनाउन सकेमात्र सफल हुने उनले दाबी गरिन। चिनो पछिल्लोसमय नया बानेश्वर, भक्तपुर, बौद्ध, कुमारीपाटी, सामाखुशी, चितवन, पोखरा गरि सात स्थानमा शाखा रहेको छ ।