खोज

बुटवल, २७ कार्तिक । सरकारले अध्ययन र अनुसन्धानलाई उपेक्षा गरेको बेला रुपन्देहीको एक क्याम्पसले अनुसन्धानलाई जोड दिएर चौथो संस्करणको अन्तर्राष्ट्रिय सम्मेलन गर्ने भएको छ । ब्यवस्थापन र सामाजिक विज्ञान विधामा विश्वब्यापिकरण रुपमा भैरहेको नवप्रर्तक, खोज र अनुसन्धानका गतिशीलताहरुको उजागर गर्दै प्राज्ञिक विमर्श गर्ने उदेश्य सहित लुम्बिनी वाणिज्य क्याम्पस बुटवलले मंसिर १४ र १५ गते दुई दिने चौथो अन्तर्राष्ट्रिय सम्मेलन २०८१, प्रज्ञानम ब्रह्म– ४ गर्ने भएको हो ।

मंगलबार क्याम्पस परिसरमा पत्रकार सम्मेलन गरि कार्यक्रमको तयारी अन्तिम चरणमा पुगेको क्याम्पस प्रमुख ताराप्रसाद उपाध्यायले बताए । बुटवल अन्तराष्ट्रिय सम्मेलन केन्द्रमा हुने सम्मेलनमा नेपालसहित भारत, पाकिस्तान, चीन, थाईलैण्ड, मलेसियाका विश्वविद्यालयका पदाधिकारी, वरिष्ठ प्राध्यापक, विद्यार्थी, अनुसन्धानकर्ता तथा सरकारी, गैरसरकारी अभ्यासकर्ता गरि १ सय २० जना बढिले आआफ्नो अनुसन्धानको निष्कर्षहरु प्रस्तुत गर्ने उनले बताए । सन २०१८ देखि प्रत्येक वर्ष अन्तरास्ट्रिय सम्मेलन गर्दै आएको भन्दै उनले यो चौथो संस्करण प्रज्ञानम ब्रह्म गर्न लागेको बताए । नेपालमा सरकारबाट धेरै न्यून लगानी अनुसन्धानमा खर्चिदै आएको उनले दुखेसो गरे । ‘कुल ग्राहस्थ उत्पादनको ०.०००५ प्रतिशतमात्र विश्वविद्यालयलाई अनुसन्धानको लागि छुट्याउने गरेको छ ।’– उनले भने । जुन ज्यादै न्युन भएको उनले दुखेसो गरे । दक्ष जनशक्ति उत्पादन गर्न अनुसन्धानको महत्व रहने भएपनि यसमा सरकारको ध्यान जान नसेकेको उनले बताए । यसैगरि क्याम्पसलाई विश्वविद्यालय अनुसन्धान ग्रान्टबाट २ लाख रुपैया छुट्याईएको भएपनि पाउन धेरै मेहनत गर्नुपर्ने उनले बताए । विश्वमा विकासित देशहरुले अनुसन्धानमा कम्तिमा २ प्रतिशत लगानी गर्ने गरेको छ । सरकारलाई यो बुझाउन नसकिएको उनले दुखेसो गरे । स्थानिय सरकारमा नपर्ने र प्रदेशमा बजेट नहुने गरेको उनले बताए । सम्मेलनमा एक जना विज्ञले सात मिनेटको प्रस्तुती राख्ने र त्यसमा भएको टिप्पणीबाट कमीकमजोरी हटाई राम्रो प्रस्तुतिलाई सेमिनार प्रोसिट गरि जर्नलमा छाप्ने उनले बताए । दुई दिने कार्यक्रममा ४५ लाख रुपैया खर्च हुने अनुमान आयोजकको रहेको छ । अहिलेसम्म २५ लाख संकलन भएको भन्दै थप संकलनको प्रक्रियामा रहेको उनले बताए ।

कार्यक्रममा प्रमुख प्राज्ञ वक्ताहरु प्राडा डिल्लिराम शर्मा, डीन, ब्यवस्थापन संकाय त्रिभुवन विश्वविद्यालय नेपाल, प्राडा एम मथिराजन, चिफ रिसर्च साईन्टिष्ट, ईन्डियन ईन्ष्टिच्युट अफ साईन्स भारत, प्राडा मुहम्मद सहवाज, उर्जा तथा वातावरण अर्थशास्त्री, बेईजिङ ईन्ष्टिच्युट अफ टेक्नोलोजी चीन, प्रा वयङ मार्क लिम, डीन, सनवय बिजनेश स्कुल, सनवय विश्वविद्यालय मलेसिया, सहप्राडा पेनसिरी अकाजित, एशोसियट डीन फर रिसर्च एण्ड ग्रेजुएट स्टडिज, प्रिन्स अफ सन्कला विश्वविद्यालय थाईलैण्ड रहेका छन ।

यसैगरि प्राविधिक सत्रहरुमा प्राडा महानन्द चालिसे,त्रिभुवन विश्वविद्यालय नेपाल, प्राडा डिडि चर्तुवेदी, युनिभर्सिटी अफ दिल्ली भारत, प्राडा विद्यानाथ कोईराला, पुर्व प्राध्यापक त्रिभुवन विश्वविद्यालय नेपाल, प्राडा राधेश्याम प्रधान पुर्व प्राध्यापक त्रिभुवन विश्वविद्यालय नेपाल अध्यक्षता रहने छन ।

कार्यक्रममा क्याम्पसका अनुसन्धान विभागका प्रमुख पिताम्बर सापकोटा, सहायक क्याम्पस प्रमुख महेश प्रसाद चौधरी, सचिव आयोजक कमिटिका सचिव रोम नाथ शर्माले बिस २०७६ सालमा लुम्बिनी प्रदेशमा पहिलो पटक गर्दा समुदायबाट सहयोगमा दोस्रो पटक समेत संघसंस्थाहरु र तेस्रो पटक समेत सहयोग भएको बताए ।

कार्यक्रममा प्रचारप्रसार संयोजक गोपाल पाण्डेले विभिन्न २२ उपसमिति गठन गरेर कार्यक्रमलाई भब्य र सब्य बनाउने गरि अघि बढाईएको बताए । स्वायत्त कार्यक्रमहरुको पाठ्यक्रम निर्माण, पाठ्यक्रम परिमार्जन, परीक्षा संचालन, परिक्षण, समपरिक्षण र परिक्षाफल प्रकाशन सबै कार्य त्रिभुवन विश्वविद्यालयको स्वयत्तता सम्बन्धि नियम २०६२ अनुरुप भईरहेको छ । जहाँ ४६ जना प्राध्यापक र २५ जना कर्मचारीहरुबाट क्याम्पसमा ४३०० विद्यार्थीहरु अध्ययरत छन ।