खोज

बुटवल, १२ कार्तिक । निमार्ण ब्यवसायीहरु देश बनाउने अभियानमा रहेको नेपाल निर्माण ब्यवसायी महासंघका केन्द्रिय वरिष्ठ उपाध्यक्ष एडि लामाले दाबी गरेका छन । बजेट सुनिश्चितता नभएका ठेक्का लगाउने, निमार्ण सम्पन्न भएका ठेक्काको भुक्तानी रोक्ने जस्ता गलत काममा सरकार आफै दोषी रहेको भन्दै उनले निमार्ण ब्यवसायीहरुप्रतिकोे सोचलाई बदल्नुपर्ने बताए । लुम्बिनी निर्माण ब्यवसायी संघ जिल्ला कार्यसमिति रुपन्देहीले भैरहवामा आयोजना गरेको दुई दिने निर्माण ब्यवस्थापन सम्बन्धी तालिम समापन कार्यक्रममा उनले ब्यवसायीहरुको हकहित र दक्षता अभिवृद्धिमा लाग्न सुझाव दिए । ‘निमार्ण ब्यवसायीहरुलाई सिध्याएर देश बन्ने सोच राख्नु गलत हो ।’— उनले भने । सामान्य पेशामा लाग्दा समेत धेरै आईडिया जरुरी हुने भन्दै निर्माण पेशामा सहज प्रमाणपत्र वितरण गर्ने सरकारको गलत प्रक्रियाकै काम अहिले समस्या उत्पन्न भएको उनले बताए । राज्यमा कति निर्माण ब्यवसायी आवश्यक पर्छ भन्ने कुरा सरकारबाट अब सोच्ने बेला आएको उनले बताए । आफुबाट सुधार शुरुवात गर्न जरुरी रहेको भन्दै उनले कतिपय गलत कानुनी प्रावधानहरु सच्चाउन जरूरी रहेको बताए । एउटा निर्माण ब्यवसायीहरुले न्युनतम ५ वटा ठेक्का लिन पाउने प्रावधान यो पेशा जोगाउने र सुधार ल्याउने सकिने उपयुक्त आधार देखिएको उनले बताए । छैटौ ठेक्का लिन ठेकेदारबाट पाच वटामध्येबाट एउटा सक्नुपर्ने हुन्छ। नेपाल सरकारबाट ६ सय अर्बको ठेक्का अहिले रहेको उनले बताए । सामान्यतया ठेक्का लिदा कागजी प्रक्रियालाई विशेष जोड दिन जरुरी रहेको उनले बताए । ‘निर्माण ब्यवसायमा धेरै समस्याहरु छन ।’—उनले भने । आफ्नो पक्षबाट हुने कमजोरी घटाउने गरि लाग्नुपर्ने उनले बताए । हरेक ब्यवसायीबाट ईन्सुरेन्स, ईन्जिनियरिङ, लेखा लगायतका विषयमा ध्यान दिनुपर्ने उनले सुझाव दिए । कन्सट्रक्सन ब्यवस्थापन तालिम पेशा ब्यवसायबारे शुरुवात भएको उनले बताए ।

कार्यक्रममा लुम्बिनी ईन्जिनियर्स एशोसियसका अध्यक्ष महेश्वर लम्सालले निर्माण ब्यवसायीहरु आफ्नो पेशामा एक जना ईन्जिनियरको आवश्यक रहेको बताए । गुणस्तर बढाउने, क्षमता बढाउने, अवसरको खोजी जस्ता एउटै खालको मुद्दामा निर्माण ब्यवसायी र ईन्जिनियरहरु लाग्नुपर्ने उनले सुझाव दिए । निर्माण ब्यवसायी राष्ट्र निर्माताका रुपमा रहेको दाबी गर्दै उनले निर्माण ब्यवसाय ईन्जिनियरिङ, कानुन र विकाससंग सिधा जोडिने उनले तर्क दिदै निर्माण ब्यवसायीहरुको क्षमता विकासमा जोड दिन सुझाव दिए ।

कार्यक्रममा सडक पुर्वाधार कार्यालय, रुपन्देहीका प्रमुख लालु गिरिले सरकारबाट चलाईएको बहुवर्षिय ठेक्का निर्माण सक्दा पनि निर्माण ब्यवसायीहरु भुक्तानी पाउन नसकेको वास्तविकता भएको बताए । लो बिडिङबाट कमसल काम हुने उनले बताउदै बजार मु्ल्य बुझेर ठेक्का लिनुपर्ने सुझाव दिए । निर्माण ब्यवसायीहरु बिडिङ, साइड ब्यवस्थापन तथा खरिद बिक्रिको हिसाब राख्ने लगायतमा कमजोरी देखिने गरेको भन्दै आगामी दिनमा यस्ता विषयमा तालिम जरुरी रहेको उनले बताए ।

कार्यक्रममा संघका रुपन्देही जिल्ला अध्यक्ष मन्जु भुषालले निर्माण ब्यवसायीहरुको हकहित र क्षमता अभिवृध्दिमा सधै संस्था लाग्ने बताइन । आगामी दिनमा निर्माणकै पाटोका रुपमा रहेको बिडिङबारे जानकारी दिने गरि कार्यकर लो बिडिङ लगायतका तालिम चलाउने बताईन ।

कार्यक्रममा संघका सल्लाहकार भिम बहादुर श्रेष्ठ, जबिन कक्षपति, ब्यवसायी ज्ञानेन्द्र लम्साल, कोलनिका रुपन्देहीका प्रमुख मेनुका जैसी, संघका सल्लाहकार छदिलाल श्रीवास्तव, संघका महासचिव प्रितम रौनियार, संघका पुर्व अध्यक्ष तथा जनप्रतिनिधि दामोदर शर्माले अस्वस्थ्य प्रतिस्पर्धा र बदमासी गरेर फाईदा लिने सोचलाई त्याग्न सुझाव दिए । दुई दिनसम्म चलेको तालिममा प्रशिक्षक केशव आचार्यले सहजिकरण गरेका थिए ।