खोज

बुटवल, ०९ कार्तिक ।
लुम्बिनी प्रदेशका वर्तमानम मुख्यमन्त्री चेतनारायण आचार्यले तेस्रो पटक मन्त्रीमण्डल बिस्तार गरेका छन् । तेस्रो पटक मन्त्रीपरिषद विस्तार गर्दै उनले ११ जनाको जम्बो मन्त्रीमण्डल बनाएका हुन । केही समय पहिला सार्वजनिक बिदाको दिन निजी सवारी साधन चढ्ने गरेको बताउँदै आएका मुख्यमन्त्रीले पूर्वमुख्यमन्त्री, पूर्व सभामुखको सेवाको सवारीसाधन खोसेर सुशासनमा राम्रो गरेको रटान लगाउँदै आएका थिए । दशैंको बिदाको दिनमा निजी सवारी साधन चढेका मुख्यमन्त्री आचार्यले केही समय राम्रो वाहीवाही पनि पाएका थिए ।

प्रहरीलाई स्कटीङ्गको लागि अन्तरजिल्ला अगुवा र पछुवा लगाउने कार्य समेत बन्द गरेर राज्य स्रोतको दुरूपयोग हुन बाट जोगाएको समेत मुख्यमन्त्री आचार्यले बताउँदै आएका थिए । तर तिनै मुख्यमन्त्रीले आफ्नो मन्त्रायका हाल सम्मकै दोस्रो ठूलो मन्त्रीपरिषद बनाएका छन् । बर्दियाका जन्मजय तिमिल्सीनाले सामाजिक विकास, पश्चिम नवलपरासीका देवकरण कलवारले वन तथा वातावरण र बाँकेका आदेश अग्रवालले आन्तरिक मामिला तथा कानुन मन्त्री बनाएका हुन । नयाँ नियुक्ती भएका मन्त्रीहरूले बिहीबार प्रदेश प्रमुखको कार्यालय बुटवलमा पद तथा गोपनियताको सपथ लिएका छन् । शपथ लिएका मध्य तिमिल्सीना र कलवार नेपाली कांग्रेस र अग्रवाल जनता समाजवादी पार्टीका हुन् ।

लुम्बिनी प्रदेश सरकारमा मुख्यमन्त्रीसहित एमालेका पाँच, कांग्रेसका पाँच र जसपाका एक जनागरी मन्त्रीको संख्या ११ पुगेको छ । प्रदेशमा १२ मन्त्रालय छन । युवा तथा खेलकुद मन्त्रालयमा मन्त्री नियुक्त हुन बाँकी छ । यो मन्त्रालयको जिम्मेवारी मुख्यमन्त्री स्वयंमले सम्हालेका छन् । मुख्यमन्त्री चेतनारायण आचार्यले बुधवार प्रदेश मन्त्रिपरिषद् पुर्नगठनको लागि प्रदेश प्रमुख समक्ष सिफारिस गरेका थिए । सोही आधारमा नव नियुक्त मन्त्रीको शपथ गरिएको हो ।

नेपाली कांग्रेस र नेकपा एमालेका ५६ प्रदेशसभा सदस्यको समर्थनमा लुम्बिनीमा सरकार बनेको थियो । शपथ ग्रहण समारोहमा मुख्यमन्त्री चेतनारायण आचार्य, सत्ता साझेदार दल नेपाली कांग्रेस दल नेता तथा पूर्व मुख्यमन्त्री डिल्लीबहादुर चौधरी, प्रतिपक्ष दलका नेकपा माओवादीका दल नेता तथा पूर्व मुख्यमन्त्री जोखबहादुर महरा, सभामुख तुलाराम घर्ती लगायत उच्च पदस्थ व्यक्तिहरूको सहभागिता थियो ।