खोज

नवलपरासी, ०७ कार्तिक ।
तिहार लक्षित पटकाको सिमावर्ति नाकाहरूबाट तस्करी गर्ने क्रम बढेको छ । नेपालमा प्रतिबन्धित रहेको पटाका स्थानीय प्रहरीसँग लाईन मिलाई तस्करी गर्ने क्रम बढेको स्थानीयबासीले जनाएका हुन् ।
मौषमी रूपमा तस्करहरूले आफ्नो कारोबार फेर्दै दीपावली एवं लक्ष्मीपूजालाई लक्षित गरि तस्करहरू पटका तस्करीमा हिँडेका एक स्थानीयले बताए । उनका अनुसार स्थानीय तस्करहरू जिल्लाको गोपालपुर, भुजहवाँ, बसहियाँ, बुडन्तवापुर नाकाबाट पटकाको अवैध चोरी पैठारी गरिरहेका छन् । नेपालमा पनि तिहारमा पटका पड्काउने होडबाजी चल्ने हुँदा काठमाडौँ, नारायणगढ, पोखरा, बुटवल, लगायतका विभिन्न मुख्य र साना बजारहरूमा पटकाको माग हुने गर्दछ । सो मागलाई पूर्ति गर्न जिल्लाका केही पटका तस्करहरू भारतबाट अवैध रूपमा पटखा भित्राउने दाउमा लागी परेका छन् । तिहारमा पटकाको ठूलो कारोबार हुने हुँदा तस्करहरू सुरक्षाकर्मीको सेटिङ्गमा विभिन्न ब्राण्डका पटका नेपाल भित्राई बेचबिखन गर्ने गरेको पाईन्छ ।

पटकाले घरहरूमा आगो लाग्ने जोखिम र नेपालमा बिक्री वितरण अवैध रहेकाले तस्करहरू भारतीय बजारबाट पटका खरिद गरि नेपालका मुख्य र साना बजारहरूमा पु¥याउने काम गर्दै आएका छन् । अहिले पटका बिक्री सिजन रहेका बेला जिल्लामा पटकाको व्यापक तस्करी छ जसलाई नियन्त्रण गर्न सुरक्षार्कीको मौनताले सुरक्षाकर्मीकै सेटिङ्क हो कि भनि स्थानीयले आशंका गर्दछन् । एक महिना अगाडि जिल्लाको शसस्त्र प्रहरीले जिल्लाको पाल्हीनन्दन गाउँपालिका २ भक्सीपुरबाट ३ लाख ५० हजारको पटका बरामद गरेको थियो । त्यस्तै पाल्हीनन्दन १ बुडन्तवापुरबाट पनि १ लाख ६० हजारको पटका बरामद गरि नष्ट गरेको थियो । गत बर्षपनि पटकाको खुब तस्करी चलेको थियो जसमा प्रहरीलाई एक पिकअप सहित पटका हात लागेको थियो ।

पटका नष्ट गरि गाडी आवश्यक कार्वाहीका लागि महेसपुर भन्सार कार्यालय बुझाएको थियो । यसरी हेर्दा जिल्लाबाट पटकाको ठूलो मात्रामा कारोबार भैरहेको प्रमाणि गर्दछ । तिहार नजिकिँदै छ । जिल्लाकै मुल नाका महेसपुर बजारमै पटकाहरू बिक्री भैरहेको पाईन्छ । पसलमा सामान्य पटकाहरू राखिएपनि चर्काे पडकिने पटकाहरू घरमा लुकाई राखेको र ग्राहकको माग अनुसार बिक्री गरिने गरेको एक स्थानियले बताए । पटकामा नागिन छाप, रकेट बम, सुतली बम, चक्री, फूलझरी, लगायतका पडकिने विभिन्न नामक पटकाहरू रहेका छन् । पटका तसकरीमा पाल्हीनन्दनका केहि मशहुर व्यपारीहरू रहेको एक श्रोतले जनाएको छ ।