© 2026
१५ माघ २०८२, बिहीबार
१५ माघ २०८२, बिहीबार
नेपालगञ्ज ।
जिल्ला प्रहरी बाँकेले नेपालगञ्जको एक कपडा गोदाममा छापा मार्दै एउटा जीपसहित अवैधरुपले भण्डारण गरिएको ठुलो परिमाणको अवैध लत्ताकपडा, जीपसहित दुई जनालाई पक्राउ गरेको छ ।
आज बिहानै नेपालगञ्ज–२ घरबारी टोलस्थित एक कपडा गोदाममा आफैं पुगेका जिल्ला प्रहरी बाँकेका एसपी तुलबहादुर कार्कीको कमान्डको टोलीले अवैध रुपमा भणडारण गरि राखेको अवस्थामा ३ लाख ८५ हजार २ सय रुपैयाँ बराबरको कटन र उलनको कुर्ता सुरुवाल, स्वेटर बरामद गरेको हो ।
प्रहरीले उक्त गोदामबाट कपडा ढुवानी गर्न राखिएको ७ लाख रुपैयाँको एउटा जीपसहित ढुवानीमा संलग्न रहेका दुई जनालाई पनि पक्राउ गरेको जिल्ला प्रहरी बाँकेले जानकारी दिएको छ ।
बरामद गरिएको लत्ताकपडा र जीप गरि जम्मा १० लाख ८५ हजार २ सय रुपैयाँ बराबरको सामाग्री र दुई जनालाई आबश्यक कारबाहीका लागि नेपालगञ्ज भन्सार कार्यालय बुझाएको जिल्ला प्रहरी कार्यालय बाँकेले जनाएको छ ।
© 2026
All rights reserved.
Design & Developed By:
