खोज

बुटवल, १ कार्तिक । पहाडी क्षेत्रमा दशैंपछि नाचिने परम्परागत सरायँ नाच बुटवलका विभिन्न स्थानमा प्रदर्शन गरिएको छ । बुटवलको देबिनगर स्थित नव दुर्गा मन्दिर, नयागाउँस्थित नवदुर्गा भवानीको मन्दिरमा स्थानियहरु सहभाथी भएर सरायँ नाच प्रदर्शन गरेका हुन ।

तराईमा बसाई सरेर आएपनि पहाडको संस्कृतिलाई जर्गेना गर्न विभिन्न समाजहरु एकतावद्ध भएर नाच गरेका हुन । जहा सहभागीहरु काठका तरबार, खुकुरी आदि परम्परागत हातहतियारहरु नचाएर युद्धकला प्रदर्शन गर्दै एक आपसमा खुसी साटासाट गर्ने र रमाइलो गरे । बुटवल देवीनगरस्थित नवदुर्गा मन्दिर समितिको आयोजनामा चौपारीबाट शुरुभएको सरायँ नाच मन्दिरमा प्रदर्शन भएको थियो । यहा विगत १५ वर्षदेखि सरायँ प्रदर्शन गरिदै आएको समितिका अध्यक्ष अर्जुन कुवरले बताए ।

यसैगरि नयागाउस्थित नवदुर्गा भवानीको मन्दिरमा विगत लामोसमयदेखी सराँय नाचं देखाईदै आएको मन्दिर ब्यवस्थापन समितिका अध्यक्ष अध्यक्ष तुलसीराम भण्डारीले बताए । ‘मन्दिरमा बिस. २०७५ सालदेखि सराँय नाच देखाउन शुरु गरेका हौ ।’—उनले भने । सरायँ हेर्न र सहभागी हुनेको बाक्लो भिड लागेको संयोजक कमल अधिकारीले बताए । वडाका बिभिन्न स्थानको परिक्रमा गर्दै तिनाउमा फुलपाती बिसर्जन गरिएको थियो ।

यसैगरि बुधबार जीतगढीमा ऐतिहासिक सरायँ नाच प्रदर्शन गरिएको थियो । जहा सेनाको टुकटीद्वारा युद्धकला प्रदर्शन समेत गरे । सरायँ नाच विशेष गरी लुम्बिनी प्रदेशका गुल्मी, अर्घाखाँची, प्यूठान तथा गण्डकी प्रदेशको बागलुङ, स्याङ्जा लगायत विभिन्न जिल्लाहरुका कोट तथा शक्तिपीठहरूमा नाच्ने प्रचलन छ ।