खोज

नवलपरासी, २५ असोज ।

जिल्लाको सुनवल स्थित तुरिया खोलाबाट अवैध निकासी गर्दै गरेको अवस्थामा एक टिप्पर र एक ट्याक्टरमा ढुँगा बरामद गरिएको छ । दशैको मौका छोपी खोलाबाट ढुँगाको चोरी निकासी गर्ने क्रममा सुनवल नगरपालिकाका नगर प्रहरीले उतm टिप्पर (हाईवा) मा लोग गरिएको लु २ त ५२३३ नम्बरको टिपर बरामद गरिएको हो ।

केही दिन अगाडि सुनवल प्रहरीले पनि एक ट्याक्टर ढुँगा बरामद गरी सुनवल नगरपालिकालाई बुझाएको थियो । अहिले हाइवा नगरपालिकाले बरामद गरी सुरक्षार्थ सुनवल प्रहरी चौकीमा बुझाएको सुनवल प्रहरी चौकीका प्रहरी निरीक्षक सन्तोष पौडेलले जानकारी गराए ।

हाइवा नगरपालिकाले बरामद गरेको जरिवाना काट्न नआएका कारण नगरपालिकाले उतm हाइवा सुरक्षार्थ प्रहरी चौकीमा लेखी पठाएको हुँदा प्रहरी चौकीमा राखिएको उनको भनाई थियो । “विहीवारदेखि नै दशै विदा भएको छ”, उनले भने, “नगरपालिकामा कर्मचारी बस्दैनन्, त्यहाँ उक्त हाईवा राखियो भन्ने हाईवा कसैले लग्यो, वा हरायो भन्ने आर्कैै समस्या हुने हुँदा चौकी परिसरमा राखिएको छ ।” नगरपालिका कार्यालय खुलेपछि आवश्यक कारवाहीका लागि सुनवल नगरपालिकामा उक्त हाइवा र ढँुगा पठाइने प्रहरी निरीक्षक पौडेलले जानकारी गराएका थिए । नगरपालिका र प्रहरी अहिले खोलामा अवैध निकासीलाई कडाईका साथ रोक्ने प्रयासमा छन् । तर पनि लुकीछिपि खोला तस्करहरु खोलाजन्य सामग्री चोर्ने गरेका छन् ।

विगत बर्षमा पनि पुर्व पश्चिम राजमार्ग निर्माण आयोजनाको आडमा खोलाजन्य पदार्थको ब्यापक तस्करी भइरहेको थियो । स्थानीय प्रहरी कार्यालय र बन कर्मचारीको मिलेमतोमा खोलाजन्य पदार्थ (ढुँगा, गिट्टि, बालुवा, मिस्कट) को ठूलो मात्रामा तस्करी हुने गरेको आरोप पनि लागेको थियो । तर अहिले प्रहरी चौकीमा नयाँ प्रहरी निरीक्षक पौडेल आएदेखि खोला तस्करीमा कडाई गर्दै आएका छन् । सुनवल नगरपालिकाको तुरियाखोला भित्रै पुर्वपश्चिम राजमार्ग निर्माण आयोजनाको खोलाजन्य पदार्थको प्रशोधन केन्द्र राखिएका छन् । तिनै प्रशोधन केन्द्र नजिकै मिनि पहाड जस्तै खोलाजन्य पदार्थ भण्डारण गरिएका छन् । भण्डारण नजिकै खोलाको किनारमा अवैध ढुँगा र मिस्कट झिकेर राखिएको अवस्थामा जहाँ तही भेटाउने गरिएको स्थानीयले बताएका छन् ।

आयोजना जति ढिलो भयो, उति धेरै दिन कमाउन सकिन्छ, आयोजनाकै नाममा खोलामै प्रशोधन केन्द्र राखिएका छन्, कोही आयो भने आयोजनाकै ती सामग्री हो भनी झुक्याउन सकिन्छ, मौका छोपेर बाहिर बेच्न सकिन्छ । नगरपालिकाले आयोजनालाई उपलब्ध गराएको सामग्री वा अन्य फर्मले निकासी गरी राखिएको खोलाजन्य सामग्रीको स्टकबारे वास्तविक लेखाजोखा पनि नगरपालिकासँग छैन । तस्करीको हल्ला भयो र जो जहाँ पायो, त्यही कमाउने मेसो बनेको छ, । अनुगमनको काम भन्दा अनुगमनको नाममा सौदाबाजी बढी छ । “होइन भने नियमित अनुगमन गर्ने र प्रतिवेदन तयार गरी कसले के गर्ने ? कार्ययोजना बनाउने र लागु गर्ने हो । कार्ययोजना अनुसारको काम गरेको प्रतिवेदन पनि नियमित सार्वजनिक गर्नु पर्ने हो, तर खोई त प्रतिवेदन ?” उनले प्रश्न गरेका थिए ।