© 2026
१४ माघ २०८२, बुधबार
१४ माघ २०८२, बुधबार
काठमाडौं ।
स्थलगत आक्रमणका लागि लेबनान छिरेको इजरायली सेनाका ८ जवान मारिएका छन्।
इजरायली सेनाका झण्डै १८ बटालियन विभिन्न सीमा क्षेत्रबाट लेबनान छिरिरहेका छन्। जसमध्ये एउटा बटालियनका ८ जवानको हिजबुल्लाह समूहका लडाकुसँग भएको झडपमा मृत्यु भएको हो।
इरान समर्थित हिजबुल्लाह लडाकूहरुले इजरायली ट्यांकहरु ध्वस्त पारेको र सैनिकहरु मारिएको दाबी गरेको छ। इजरायली सेनाले हिजबुल्लाहका रकेट लञ्चरलगायतका संरचना ध्वस्त पार्न स्थलगत आक्रमण सुरु गरेको बताएको थियो।
इजरायली सेनाले गरेको स्थलगत आक्रमणका क्रममा बेरुतमा ६ लेबनानी नागरिक मारिएका छन् भने कम्तीमा ८ जना घाइते भएका छन्।
राजधानी बेरुतस्थित एक बहुतले सिटी सेन्टरमा भएको इजरायली आक्रमणमा ६ जना मारिएका हुन्। इजरायली सेना लेबनानमा प्रवेश गरेपछि त्यहाँ निरन्तर झडप र विस्फोटका घटनाहरु भइरहेका छन्। उता इरानले इजरायलका विभिन्न सहर केन्द्रित मिसाइल प्रहार गरेको छ।
१ सय ८१ वटा हाइपरसोनिक मिसाइलबाट इरानले गरेको आक्रमणबाट कुनै क्षति भएको विवरण भने सार्वजनिक गरिएको छैन।
इजरायलमा बलियो एन्टि मिसाइल प्रविधि भएकाले क्षति नभएको दाबी गरिएको छ।
© 2026
All rights reserved.
Design & Developed By:
