खोज

बुटवल, १० असोज । नेपाल ह्रदयरोग निवारण प्रतिष्ठान, रुपन्देहीले विश्व मुटु दिवसको अवसरमा विविध सचेतनामुलक कार्यक्रम गरि मनाउने भएको छ । प्रतिष्ठानको विहिबार बसेको नियमित बैठकबाट असोज ११ गते विद्यालयस्तरमा सचेतनामुलक अभिमुखिकरणसहित रयालीमा सहभागी हुने गरि कार्यक्रम तय गरेको प्रतिष्ठानका सभापति बोनिन पियाले बताए । ‘शुक्रबार जनता माबिमा विद्यार्थीहरुबिच अभिमुखिकरण कार्यक्रम गर्दै छौ ।’— उनले भने । गौतम बुद्ध मुटु अस्पतालको सहकार्यमा अस्पतालका विशेषज्ञ चिकित्सक डा. सचिन ढुगेलले स्वस्थ्य मुटु, मुटु रोग र यसका लक्षण साथै बच्ने उपायहरुबारे जानकारी दिने उनले बताए ।

शहरी जिवनशैलीमा सहि खानपिन र शारीरिक ब्यायामको अभावको कारण हरेक उमेर समुहमा यो समस्या बढ्दो रहेको हुदा पनि सचेतनाका कार्यक्रमलाई जोड्न जरुरी रहेको उनले बताए । यसैगरि १३ गते विश्व मुटु दिवसको मुल कार्यक्रममा गरिने सामुहिक सचेतना रयालीमा समेत सहभागी हुने उनले बताए । प्रतिष्ठानका सहसचिव करुण खनालको संयोजकमा मुटु दिवस मनाईने भएको छ । दिवससंगै ठाउठाउमा सचेतनामुलक ब्यानर र पम्लेटिङ गर्ने समेत योजना रहेको उनले बताए ।

कार्यक्रममा प्रतिष्ठानका निवर्तमान अध्यक्ष निर्मल प्रसाद लाकौल, सल्लाहकार जीवन ओझा, सल्लाहकार एजाज आलम, प्रतिष्ठानका उपसभापति काजीमान श्रेष्ठ, कोषाध्यक्ष उमाशंकर मालपानी, प्रेस सल्लाहकार स्वस्तिक श्रेष्ठ, सदस्यहरु हरिशंकर गुप्ता, ध्रुव शर्माले कार्यक्रमलाई अझ क्रियाशिल र प्रभावकारी हुने गरि अन्य संघसंस्थाहरुसंग सहकार्य गरि अघि बढ्न सुझाव दिए ।

प्रतिष्ठानको मुल्याकनमा क्रियाशिल ४५ जिल्लाबाट उत्कृष्ट १० शाखा घोषित हुदै ईसिजि मेशिन प्राप्त भएको प्रतिष्ठानका उपसभापति नरेश कुमार श्रेष्ठ बताए । बिसं २०५१ सालमा स्थापना भएको प्रतिष्ठान मुटुको सुरक्षा र मुटु रोगबारे सचेतना जगाउने गरि कार्यक्रम गर्दै आएको उनले बताए ।