खोज

चन्द्रौटा ।

कपिलवस्तुमा मदरसामा अध्यायपनरत शिक्षकलाई प्रोत्सहन गरिएको छ । शिवराज नगरपालिकाको चन्द्रौटास्थित जामिया सिराजुल उलूम अल अस्सल्फियामा कपिलवस्तु र रुपन्देहीका १२ वटा मदरसाका ५० जना शिक्षकलाई ७१ लाख १५ हजार ११८ रुपैया प्रदान गरिएको  छ ।

शिवराज नगरपालिकाका मेयर अजय थापाले मुस्लिम समुदायलाई शिक्षामा अगाडि बढ्न आग्रह गरे । उनले भने ः शिक्षामा समुदायले अघि बढेन भने, समाज पछि धक्किने छ । शिक्षा र ज्ञानको महत्वमा जोड दिँदै, शिक्षा मात्र व्यक्ति होइन, समाजको समग्र विकासमा योगदान पुर्याउँछ । समुदायका युवाहरूलाई शिक्षामा संलग्न गराउने र उत्कृष्टता हासिल गर्ने प्रेरणा दिनुपर्नेमा मेयर थापाले जोडदिए । उनले थपे: शिक्षासँगै संस्कारको विकास गर्न आवश्यक छ, जसले भविष्यका पुस्तालाई सशक्त र सक्षम बनाउँछ । मेयर थापाले मुस्लिम समुदायसँगै स्थानीय संघ–संस्थाहरूलाई शिक्षामा प्रोत्साहन गर्न र सबै समुदायलाई यसमा संलग्न गराउनेमा ध्यान दिन पनि आइतबार आग्रह गरे ।

यसैबीच लुम्बिनी प्रदेश मदरसा बोर्डका उपाध्याक्ष मौलाना मसहुद खाँ नेपालीले तुलनात्मक रुपमा मुस्लिम समुदाय शिक्षामात्रै नभएर हरेक तवरले अघि बढेको जिकिर गरे । शिक्षाले समुदायस्तरमा सकरात्मक प्रभाव पारेको बताउँदै मुस्लिम शैक्षिक विकासले देशमा समेत अहम भूमिका खेलेको मुस्लिम अगुवाहरुको बुझाइ रहेको उनले बताए । शिक्षाले हामीलाई ज्ञान मात्र दिन्दैन, तर हाम्रो संस्कृति र मूल्यहरूको संरक्षणमा पनि सहयोग पु¥याउने खाँले बताए । उनले भने ः ‘मुस्लिम शिक्षा विकासले केवल समुदायको भविष्य उज्यालो बनाउँदैन, यो राष्ट्रको प्रगतिको लागि पनि अहम छ ।’

अधिवक्ता लक्ष्मण प्रसाद निरौलाले मुस्लिम समुदायका नागरिक पनि पछिल्लो समय कानुन पढ्न उत्सुक देखिएको बताए । शिक्षकहरूको दक्षता र शिक्षण विधिमा सुधार ल्याउने बताउँदै मदरसामा अध्ययन गरिरहेका विद्यार्थीहरूको शिक्षामा सकारात्मक प्रभाव पार्ने विश्वास व्यक्त उनले व्यक्त गरे ।