खोज

पाल्पा, ०७ असोज ।
जिल्लाको दोस्रो ठूलो अन्न भण्डारका रूपमा परिचित रामपुर फाँटमा धान वालीमा सेतो पुतलीले नोक्सान गरेको छ । किसानले धेरै अन्न फलाउने उद्देश्यले उन्नत जातको बिउ प्रयोग गरी लगाएको खेतमा ५ सय रोपनी क्षेत्रफलमा सेतो पुतलीले नोक्सान गरेको कृषकहरू बताउँछन् । स साना मसिना पुतली प्रजातीका किराहरूले पात डाँठ खाएर बोटलाई नोक्सान गरेपछि सुख्खा बनाएपछि पसाएको वाली ओइलाउँदै गएको किसानहरूले बताए ।

जब पसाएर झुल्न लागेको धान वालीमा मसिना मसिना किरा देखा परेपछि स्थानीय पसल बाट विषादी लगेर प्रयोग गर्दा समेत किराहरू नियन्त्रणमा आउन नसकेपछि स्थानीय सरकार, तथा नगर सरकारको कृषि शाखामा सम्पर्क गरेको स्थानीय कृषक राजेन्द्र खनाल बताउँछन् ।

नगर सरकारका कृषि शाखा प्रमुख नारायण गैरे भन्दछन् । किसानको खेतमा मसिनो पुतली जातको किराले नोक्सानी गरेपछि कृषि प्राविधिकहरू सुझावै बिना आफु खुसी विषादीको प्रयोग गर्दा नियन्त्रणमा आउन नसकेको हो । आफूले स्थलगत अवलोकन गरेको र नियन्त्रण भन्दा बाहिर गएकाले आफु भन्दा माथिल्लो निकायलाई स्थलगत अवलोकन गराएको गैरे बताउँछन् ।

कृषि ज्ञान केन्द्रका प्रमुख सन्तोष चौधरी भन्दछन् यो मसिनो सेतो पुलतीले नोक्सान गरेको बताउदै प्रदेश सरकार संग समन्वय गरी नियन्त्रणको लागि किटनाशक विषादी गरिएको छ । थप नोक्सानी नहोस भनेर १ सय सीसी विषादी पठाउने व्यवस्था भएको छ । तिनाउ गाउँपालिकाको दोभानमा गोरखनाथ प्रजातीको धानको बाटमा समेत महामारीको रूपमा मसिनो सेतो पुतली प्रजातीको किरा देखा परेको स्थानीय कृषकहरू बताउँछन् । धानको वोटमा लहलह बाला लागेर सुन जस्तै झुल्ने समयमा किराले सखापै पार्न लाग्दा कृषकहरू चिन्तीत भएका छन् । यस वर्ष समयमा वर्षाद नभएर दु.खले रोपाई गरेका कृषकहरुलाई वाली भित्रयाउने बेलामा फेरी किराले सखापै पार्दा कृषकहरू थप समस्यामा परेका छन् ।