खोज

सल्यान, ०७ असोज ।
सेवा प्रवाह तथा कार्यसमपादन क्षेत्रमा अनेकौ समस्या देखिएको भन्दै स्थानीय युवाहरूले सल्यानको कुमाख गाउँपालिकामा तालाबन्दी गरेका छन् । पालिकामा पटक पटक ध्यानाकर्षण पत्र तथा अपिल पत्र बुझाउदा पनि युवाहरूका समस्या समाधान तर्फ पालिका उदासिन भएको भन्दै तालाबन्दी गर्नु परेको युवाहरूले बताएका छन् । गाउँपालिकाबाट हुने नियमित सेवा, कार्य सम्पादन कानुनको अधिनमा रहि छिटो छरितो हुनु पर्नेमा झन्झटिलो र स्वइच्छाचारी ढंगले अघि बढेकाले बाध्य भएर पालिकाको मूल गेटका साथै अध्यक्ष र प्रमुख प्रशासकीय अधिकृतको कार्यकक्षमा तालाबन्दी गर्नु परेको युवाहरूको नेतृत्व गरेका युवराज खड्काले जनाए ।
युवा परिषद् गठन गर्नु पर्ने, सामुदायिक तथा संस्थागत विद्यालयमा नियमित, अनुगमन, सुपरिवेक्षण, निर्देशन तथा कारवाही जस्ता कार्यलाई कडाईका साथ कार्यन्वयन गर्नु पर्ने, नियमित रूपमाम सरल तथा कानुनले तोकिएकै समयावधि भित्र झन्झट मुक्त सेवा प्रवाह हुनु पर्ने, कार्यसम्पादन तथा सेवा प्रवाहका क्षेत्रमा देखिएका समस्या समाधानका लागि द्रुत गतिमा निकास दिन छलफल अन्तरक्रिया गर्नु पर्ने, नागरिक र स्थानीय तहलाई नजिक तुल्याई सार्वजनिक सेवा प्रवाह तथा विकास निर्माणमा चुस्तता कायम गर्न नियमित अन्तरक्रिया, सुझाव ग्रहन, गुनासो सुन्ने र समाधान गर्ने प्रक्रियाको थालनी गर्नु पर्ने, लगायतका मागहरू पटक पटक गाउँपालिकामा बुझाएको भए पनि अहिले सम्म कुनै सुनुवाई नै नभएको अर्का युवा पुस्कर पन्थको भनाई छ ।
यस्तै नियम बमोजिम प्रमुख प्रशासकीय अधिकृत तथा शिक्षा अधिकृतलाई सम्बन्धित मन्त्रालयले खटाइसकेपछि काम गर्ने वातावरण र्सिजना गर्नु पर्ने, राज्यको स्रोतलाई सहि ढंगले परिचालन गर्नु पर्ने, स्थानीय युवा निति तयार गरी युवाहरूको सिप विकास, सशक्तिकरण, क्षामता विकास तथा उद्यमी बनाउन नेपाल सरकार तथा अन्य साझेदार निकायले अघि सारेका युवा विकासका कार्यक्रमका लागि समन्वयकारी भूमिका खेल्नु पर्ने, वडास्तरमा युवा क्लव गठनलाई प्राथमिकता दिनु पर्ने लगायतका मागहरू रहेका छन् ।

गाउँपालिकाद्वारा वार्ताका लागि आह्वान, गुन्डागर्दी गर्नेलाइ कारवाहीको माग
यसैविच कुमाख गाउँपालिकाले एक सूचना र एक विज्ञप्ती जारी गरेको छ । एक सूचनामा युवाहरूलाई वार्तामा आउन आग्रह गरिएको छ भने अर्काे विज्ञप्तीमा युवाहरूको हुल हुज्जतले गुण्डागर्दी शैलीमा कर्मचारीलाइ गालीगलौज र अभद्र व्यवहार गर्दै तालाबन्दी गरेकाले कारवाहीको माग गरिएको छ । गाउँपालिकाले समस्या समाधानका लागि सोमबार पहिलो चरणमा वार्ताका लागि आग्रह गरेको हो । वार्ताका लागि आग्रह गरेकाले मूल गेटमा लगाएको ताला खोलिएको युवराज खड्काले बताए । तर अध्यक्ष र प्रमुख प्रशासकीय अधिकृतको कार्यकक्षममा लागेको ताला भने वार्ता निष्कर्णमा नपुगेसम्म नखोलिने उनले जनाए ।
यस्तै गाउँपालिकाका निमित्त प्रमुख प्रशासकीय अधिकृत छविलाल खड्काले एक विज्ञप्ती जारी गर्दै करिव २५÷३० जनाको हुल हुज्जतले पूर्व जानकारी बिना गाउँपालिका कार्यालयमा प्रवेश गरी गुन्डागर्दी शैलीमा तालाबन्दी गरेर कर्मचारीमाथी अभद्र व्यवहार गरेको भन्दै कडा कारवाहीको माग गरेका छन् ।

विज्ञप्तीमा भनिएको छ, ‘गाउँपालिका अध्यक्ष, उपाध्यक्ष र प्रमुख प्रशासकीय अधिकृत समेत कार्यालयको कामकाजमा कार्यालय बाहिर गएको अवस्थामा गुण्डागर्दी शैलीमा कर्मचारीहरूका प्रत्येक शाखामा प्रवेश गरी त बाहिर निस्के, त को होस भन्ने जस्ता अराजक भाषा शैलीमा कार्यालयमा कार्यरत कर्मचारीहरूलाई बाहिर लखेटी मान मर्दन, इज्जत, प्रतिष्ठामा आँच आउने गरी कर्मचारीहरूलाई आक्रामक शैलीमा बाहिर निकाली प्रत्येक शाखा र मुल ढोकामा समेत तालाबन्दी गरी बिना कारण कर्मचारीहरूलाई गाली बेइज्जती समेत गरी अभद्र व्यवहार गरेको हुँदा यस्ता प्रकारका क्रियाकलापले समग्र कर्मचारी प्रशासनलाई कमजोर बनाउने भएकाले निज युवराज खड्का र निजकी नेतृत्व समुहका अन्य व्यक्तिहरूलाई समेत कानुन बमोजिम कडा कारवाहीका लागि सम्बन्धित निकायमा जोड