खोज

बुटवल, ४ असोज । बित्तिय क्षेत्रको राम्रो ज्ञान र दीर्घकालमा प्रतिफलको सोच सहित शेयर बजारमा लाग्नुपर्ने शेयरबजारका बिज्ञ बिक्रम चित्रकारले सुझाव दिएका छन । वित्तिय क्षेत्रमा दशक बिताएका र दर्जनौ संस्थामा आवद्ध चित्रकारले छोटो समयमा ठुलो प्रतिफलको आशा लिनेहरुका कारण शेयर बजारमा समस्या देखिएको बताएका हुन । रोटरी क्लब अफ बुटवल डाउनटाउनको ९९७ औं नियमित बैठक तथा अन्तरक्रिया कार्यक्रममा उनले शेयर बजारको बारे राम्रो ज्ञान नलिई हात हाल्न नहुने उनले सुझाव दिए । नेपालको शेयर बजार सिमित ब्यक्ति वा लगानीकर्ताको हातमा रहेको भन्ने जिज्ञासामा उनले यो सत्य भएको बताए । जहिले पनि श्रोत बढि भएको ब्यक्तिले बजार नियन्त्रण गर्ने प्रचलन नेपालमात्र नभई विश्व बजारमै रहेको उनले उदाहरण पेश गरे । शेयर बजारमा शेयरको मुल्यमात्र नभई त्यसभित्रको अवस्था प्रमुख कारण हुने उनले दाबी गरे । ‘बित्तिय बजारको बारेमा अध्ययन जरुरी छ ।’—उनले भने ।

मुख्य पेशा कुन हो भन्ने कुरालाई पहिले निश्चित गरेर लगानी गर्नुपर्ने उनले सुझाव दिए । ‘शेयर बजारमा ३–६ महिना कुर्नुपर्ने हुन्छ ।’—उनले भने । पछिल्लो समय देखिएको दैनिक रुपमा कारोबार गरिदा बजारमा रिटर्नसंगै लस हुने सम्भावना बढि हुने उनको तर्कछ । नेप्सेले ईतिहास २० वर्षको अवधिमा केलाउदा यसले वार्षिक ११ प्रतिशत रिटर्न दिएको देखिएको उनले बताए । ‘वार्षिक ४० प्रतिशत घाटा खेप्न सकिँदैन भने शेयर बजार उपयुक्त हुदैन ।’—उनले भने । केवल माग र वितरण नभई एक्सपेक्टेड माग र बितरणको कारण बजारमा शेयर मुल्य घटबढ हुने गरेको उनले बताए । नेपालमा सरकारबाट बेलाबेलामा यो क्षेत्रका बारेमा गरिएको गलत टिप्पणीका कारण पनि समस्या हुने गरेको छ । शेयर बजारको तुलना गर्दा ईक्युटी, ईन्डेकस र फ्युचर जस्ता कुनलाई मुख्य मानिएको हुन्छ त्यसमा परिणाम आउने उनले बताए । रोट्याक्ट क्लब अफ पाटनमा रहेर सामाजिक क्षेत्रमा काम गरेको उनले आफनो स्मरण गरे ।

कार्यक्रममा क्लबका अध्यक्ष शिव ज्ञवालीले समयसापेक्ष बजारमा आउने नयानया विषयको ज्ञान रोटरीयनहरुलाई दिनुपर्ने कुरालाई मध्येनजर गरि अतिथि निम्त्याउने गरेको बताए । पछिल्लोसमय शेयर बजारको उचारचढावको विषय चियाचौतारामा हुने गरेको हुदा पनि यस विषयको विज्ञबाट नै जानकारी हुने गरि कार्यक्रम गरिएको उनले बताए । क्लबबाट हुने दुई वटा स्वस्थ्य शिविर गर्ने तयारी र अन्तरक्रियाक कार्यक्रमको बारेमा उनले जानकारी दिए । एउटा महिला पाठेघर र स्तन क्यान्सरबारे परिक्षण चरङेमा गर्ने र टिच कार्यक्रम अन्तरगत बुटवल बहुमुखी क्याम्पसका विद्यार्थीहरुसंग वृहत मानसिक स्वस्थ्य अन्तरक्रिया गरिने उनले बताए ।

कार्यक्रममा पुर्व अध्यक्ष रबिलाल पोखरेल, टिआरएफ चेयर शंकर ज्ञवालीले शेयर बजारबारे जिज्ञासा राखेका थिए । कार्यक्रममा क्लबका सचिव कमल नेपालले फोर वे टेष्ट बोर्ड सार्वजनिक क्षेत्रमा राख्ने नया केन्द्रको योजना अनुसार सिक्स लेन सडकमा रहेको क्लबको बगैचामा दुई वटा बोर्ड राख्ने तयारीमा रहेको बताए ।