© २०२३
२५ मंसिर २०८२, बिहीबार
२५ मंसिर २०८२, बिहीबार
जितपुर, ०४ असोज ।
कपिलवस्तुको बाणगंगा नगरपालिकाले अवैध रूपमा अव्यवस्थित ढङ्गले संचालनमा रहेका ठेलाहरूलाई व्यवस्थित ठाउँमा सञ्चालन गर्न निर्देशन दिएको छ ।
नगरपालिकाका निमित्त प्रमुख प्रशासकीय अधिकृत राज कुमार तिवारीले एक सुचना जारी गर्दै ठेलाहरूलाई यही असोज ४ गतेसम्म व्यवस्थित ठाउँमा सञ्चालन गर्न निर्देशन दिएका हुन् । सूचना अवज्ञा गरी पुनः सञ्चालन गरेमा आवश्यक कारवाहीसहित नगरबाट सामान जफत गरिने उक्त सुचनामार्फत चेतावनी दिईएको छ ।
‘बाणगंगा नगरपलिका अन्तर्गतका विभिन्न सडक क्षेत्रमा दर्ता गराई वा नगराई अवैध स्थान, सडक क्षेत्रमा सञ्चालनमा रहेका विभिन्न व्यवसायिक गतिविधिमा संलग्न फलफूल पसल, चाट, पानीपूरी, चाउमिन, मःम, आदिका ठेलाहरू आगामी असोज ४ गतेसम्म व्यवस्थित ठाउँमा सञ्चालन गर्न अनुरोध गरेको छ ।
नगरले सो विषयमा पटक पटक सूचना जारी गर्दा समेत त्यसको अवज्ञा गरी पुनः सडक क्षेत्राधिकार भित्र सञ्चालन गरेको देखिँदा उक्त कार्य नगरीदिनु हुन यसै सूचना मार्फत जानकारी गराएको छ । यो सूचना अवज्ञा गरी पुनः सञ्चालन गरेमा आवश्यक कारवाही सहित नगरबाट सामान जफत गरिने व्यहोरा जानकारी गराईन्छ ।’ उक्त सुचनामा उल्लेख गरिएको छ ।
© २०२३
सर्वाधिकार सुरक्षित
Design & Developed By:
