खोज

बुटवल, ०१ असोज ।
नेपालका लागि आधिकारिक वितरक रहेको एसपिजी अटोमोबाइल्सको बुटवल र भैरहवाका लागी ओमोड़ा र जेको सवारी साधनको आधिकारिक वितरक सिद्धि विनायक मोटर्सले आफ्नो बुटवल तथा भैरहवामा रहेको शोरुम बाट नेपालकै पहिलो विधुतीय अफरोड़ एसयुभी सवारी साधन जेको जेको ६ सार्वजनिक गरेको छ ।

बुटवल र भैरहवामा ओमोडा इ ५ लक्सको बिक्रि वितरण गर्दै आइरहेको सिद्धि विनायक मोटर्सले सो अवसरमा जेको जे६ (व्ब्भ्ऋइइ व्ट) सार्वजनिक गर्नुको साथै ओमोड़ा इ ५ को अर्को भेरिएन्ट डिलक्स समेत सार्वजनिक गरिएको हो ।

ओमोड़ा इ५ डिलक्सको मुल्य ५५ लाख ९९ हजार र लक्सको मुल्य ६१ लाख ९९ हजार रूपैंयाबाट प्रारम्भ हुन्छ . ओमोड़ा इ ५ नेपाली बजारमा उपलब्ध प्रमुख इभि ब्रान्ड हो र यसले ४३० किलोमिटर लामो रेन्ज दिन्छ भने १८० एमएम ग्राउण्ड क्लियरेन्स र ९९ किलोवाटको मोटर पावर रहेको छ । जेको जे ६ को प्रारम्भिक मुल्य ६९ लाख ९९ हजार रूपैंया छ र फेस्टिभ डिस्काउन्ट ३ लाख रूपैंया छुटका साथ उपलब्ध छ ।

यो लिथियम आइरन फस्फेट ब्याट्री युक्त यसले ४०० किलोमिटर (डब्लुएलटिपि) रेन्ज भएको यसमा १३५ किलोवाट मोटर पावर छ जसले १८४ पिएस पावर र २२० एनएमको टर्क दिन्छ । फ्रन्ट तथा रियर ड्युअल मोटर रहेको यसले ० देखी १०० किलोमिटरको गति १०.०५ सेकेन्डमा प्राप्त गर्छ । यसमा सुरक्षाको लागी ६ वटा एयरब्याग साथै प्यानारोमिक सनरूफ, १५.६ इन्चको सेन्ट्रल कन्ट्रोल सिस्टम टच स्क्रिन, प्रिमियम क्वालिटी इन्फिनिटी साउण्ड सिस्टम यसमा रहेको छ ।

नेपालमा एडभान्स टेक्नोलोजी र इनोभेटिभ डिजाइन सहितका सवारी साधनका साथै चार्जिंग तथा सर्भिस स्टेसन नेटवर्क विस्तारको लागी प्रतिबद्ध एसपिजी अटोमोबाइल्सको बुटवलको साथै नेपालभर १५ भन्दा बढी सर्भिस नेटवर्क छन् भने आगामी केहि महिना भित्रै ५० भन्दा बढी क्षेत्रहरूमा चार्जिंग स्टेसन विस्तार गरिंदैछ ।