खोज

बुटवल, 0१ असोज ।
स्वाथ्य कार्यालय रूपन्देहीले जिल्ला भित्र रहेका १६ वटा पालिकाको कार्यसम्पादन मुल्यांकनको आधारमा उत्कृष्ट पालिका घोषणा गरेको छ । स्वाथ्यका सबै सूचक पुरा गर्ने पालिकाको अध्यायन प्रतिवेदन बाट मर्चवारी गाउँपालिका जिल्लामा प्रथम भएको हो । यस्तै सम्मरीगाउँपालिका द्धिति र देवदह नरपालिका तृतिय भएको स्वाथ्य कार्यालय रूपन्देहीका प्रमुख भेषराज शर्माले जानकारी दिए ।

स्वाथ्य कार्यालय रूपन्देहीको आयोजनामा आर्थिक बर्ष २०८०/०८१ मा सम्पादित कार्यक्रमको समिक्षा तथा योजना तर्जुमा कार्यक्रममा उक्त मुल्यांकनबाट उत्कृष्ट घोषणा गरिएको हो । कार्याशाला समापन कार्यक्रममा बोल्दै जिल्ला संमन्वय समितिका प्रमुख उमकान्त चपाईंले स्वाथ्य क्षेत्र जनताको प्रत्यक्ष सरोकारको विषय भएको कारण स्वाथ्यका सबै सूचक पुरा गर्नको लागि सबै निकाय जिम्मेबारपूर्ण भएर लाग्नुपर्ने बताएका थिए । उनले उत्कृष्ट पालिकालाई बधाई ज्ञापन गर्दै अन्य जिल्लाका पालिकाहरूले पनि सबै स्वाथ्य सुचक पुरा गरी सैध, सबै उत्कृष्ट पालिका हुनुपर्ने बताए ।

स्वाथ्य निर्देशनालय राप्ती उपत्यका दाङका प्रमुख डा. विनोद कुमार गिरीले पालिकास्तरबाट नमुना काम भएको बताउँदै पालिका–पालिकाका असमानता पत्ता लगाउने, हटाउने भन्दा पनि कभरेज रेट बढाउन आवश्यक रहेको बताएका थिए । उनले सबै पालिकाहरूले तोकीएको काभरेज दर लाई पुरा गर्नको लागि कुनै पनि कसर बाँकी राख्न नहुने बताएका थिए ।

कार्यशाला समापन कार्यक्रममा बोल्दै स्वाथ्य कार्यालय रूपन्देहीका प्रमुख भेषराज शर्माले सबैको साथ र सहयोगबाट नै स्वाथ्य क्षेत्रका हरेक सुचकांक पुरा गर्न सकिने बताएका थिए । उनले यसमा प्रदेश सरकार, स्वाथ्य कार्यालय जहिले पनि तयार रहेको भन्दै यसको लागि सबैले आ आफ्नो स्थानबाट सहयोग गर्नुपर्ने धाराण राखेका थिए ।

सहभागीको तर्फबाट बुटवल उपमहानरपालिका स्वाथ्य शाखा प्रमुख युवराज पाण्डे ले भनाई राखेका थिए । कार्यक्रममा स्वाथ्य कार्यालय रूपन्देहीका चिन्तामणी पाण्डे , कार्यालयका ल्याव टेक्नीसीयन अधिकृत खिमलाल पाण्डेय लगायले बोलेका थिए । सोही कार्याशालामा नीजामती दिवसको दिन पुरस्कृत गरिने उत्कृष्ट कर्मचारीको रूपमा कार्यालयका कर्मचारी सुरेन्द्र प्रसाद दुवेदीलाई उत्कृष्ट कर्मचारीको रूपमा सम्मान गरिएको थियो ।