खोज

बुटवल, ३० भदौ । बुटवल बजारलाई चलायमान बनाउन रात्रिकालिन बजार चलाउनुपर्ने रुपन्देहीका प्रमुख जिल्ला अधिकारी गणेश अर्यालले बताएका छन । आईतबार बुटवल कालिकानगरस्थित होटल हाईल्याड प्रालिको रेष्टुरेन्ट शुभारम्भ गर्दै उनले पर्यटन नै आर्थिक विकासको आधार भएको समेत बताए । पछिल्लोसमय धेरै होटल ब्यवसायीहरु रात्रीकालिन सेवा दिने गरि पूर्वाधार विकास गर्दै गएको र क्षेत्र तोकेर रात्रीकालिन चलाउन सकिने सम्भावना समेत रहेको उनले बताए । युवा ब्यवसायी अर्जुन थापाले ६ वर्ष अघि लिजमा लिएर सो होटल शुरुवात गरेका थिए । जागिरसंगै ब्यवसायमा लागेको उनि यस क्षेत्रमा धेरै उतारचढावहरु ब्यहोरेको बताए । होटलमा १४ वटा एसि रुम, ७ ननएसी एटेज गरि २१ वटा रुमहरुसंगै ब्यवस्थित रेष्टुरेन्ट समेत थप गरिएको उनले बताए ।

कार्यक्रममा रुपन्देही होटल ब्यवसायी संघका सल्लाहकार माधव प्रसाद नेपालले पर्यटनबाट आर्थिक विकासको सम्भावना हुदाहुदै पनि धेरै गर्न नसकिएको भन्दै अब सरोकारवालाहरु यस विषयमा जाग्नुपर्ने बेला आएको बताए ।

कार्यक्रममा वडा प्रहरी कार्यालय बुटवलका प्रहरी निरिक्षक विष्णु बस्नेतले बुटवल जस्तो शहरलाई सुरक्षा दिने गरि प्रतिवद्घता जनाए । आम नागरिकको सुरक्षा, कानुनी अडचनको बारेमा समेत सचेत भएर आफ्नो ब्यवसाय संचालन गर्नुपर्ने बताए । होटलमा आधारभुत आवश्यकतालाई पुरा गर्न उनले सुझाव दिदै ब्यवसायिकसंगै सभ्यताको शहरको रुपमा चिनाउने गरि अघि बढाउन सबैको साथ जरुरी रहेको बताए ।

कार्यक्रममा वडा नं १०, सत्यसाई भैरव टोल विकास संस्थाका अध्यक्ष राजु पौडेलले होटल ब्यवसायबाट टोलमा कुनै प्रकारको समस्या नभएको भन्दै बरु उल्टो टोलको विकासमा सधै सहकार्य भएको बताए ।

कार्यक्रममा नेपाल होटल तथा रेष्टुरेन्ट ब्यवसायी महासंघ लुम्बिनी प्रदेशका अध्यक्ष महेन्द्र श्रेष्ठ, रुपन्देही होटल ब्यवसायी संघका अध्यक्ष लेखनाथ भण्डारी, नेपाल नियमित रक्तदाता संघका केन्द्रिय अध्यक्ष दया बहादुर सिलवाल, संघका सदस्य केशवराज पाण्डे, होटल संचालक पुष्पा थापाले सेवामुलक उद्योगका रुपमा रहेको होटलमा धेरै कठिनाईहरु रहेको भन्दै तिन तहकै सरकारबाट पर्यटनमैत्री नीतिमार्फत सम्बोधन गर्नुपर्ने सुझाव दिए ।