खोज

बुटवल, ३१ भदौ । नेकपा एमालेको भातृ संगठन नेपाल निर्माण उद्योग परिषद लुम्बिनी प्रदेश कमिटीको पदस्थापन भएको छ । भदौ ९ गते भएको अधिवेशनबाट निवार्चित नारायण भुसालको नेतृत्वको टिमलाई पद हस्तान्तरण गरिएको हो । कार्यक्रमको उद्घाटन गर्दै नेकपा एमालेका केन्द्रीय सदस्य तथा लुम्बिनी प्रदेशका भौतिक पूर्वाधार तथा विकास मन्त्री भूमिश्वर ढकालले भौतिक विकास र निर्माणको क्षेत्रमा प्रदेश सरकार यस क्षेत्रका सरोकारवाला निकायसंग सहकार्य गरेर जाने बताए । देश विकासमा उद्योग परिषदको ठूलो भूमिका रहेको चर्चा समेत उनले गरे ।

कार्यक्रममा नेपाल निमार्ण उद्योग परिषदका केन्द्रीय अध्यक्ष बलिभद्र रानाले ब्यवसायिक हकहितसंगै सामाजिक उत्तरदायित्वमा सबै ब्यवसायी लाग्नुपर्ने बताए । ब्यवसायी आफनो कामसंगै पार्टीको संगठन बनाउन लाग्नुपर्ने उनको तर्क छ । उनले आउदो निर्वाचनमा पार्टीलाई पहिलो शक्ति सहित उभ्याउन सबै क्षेत्रमा व्यवसायीको भुमिका खेल्न समेत आग्रह गरे । त्यसको लागि सदस्यता बिस्तारमा जुटन समेत रानाले आग्रह गरे ।

कार्यक्रममा नव निर्वाचित अध्यक्ष नारायण भुसालले ब्यबसायीका समस्या पहिचान गर्दै समाधानमा पार्टी नेतृत्व समयमा नै ध्यान दिनुपर्ने बताए । कार्यक्रममा नवनिर्वाचित नेपाल निर्माण उद्योग परिषदका केन्द्रको टिमलाई पनि सम्मान गरिएको थियो । कार्यक्रममा नेपाल निर्माण उद्योग परिषदका केन्द्रीय उपाध्यक्ष मन्जु भुसाल, एमाले जिल्ला युवा नेता गोपाल राना, एमाले रुपन्देहीका अध्यक्ष यज्ञ गैरेले पछिल्लो विकास निमार्णमा देखिएका समस्याबारे उठान गर्दै समाधानमा सरकारको चासो दिनुपर्ने बताए ।

कार्यक्रममा परिषदका महासचिव जबिन कक्षपतिले नया प्रविधि र युवाहरुको निमार्ण ब्यवसायमा प्रवेशबाट उर्जा थप्ने काम भएको भन्दै अब यसलाई सराकारात्मक परिवर्तनतर्फ लैजान सरकारको भुमिका महत्वपूर्ण रहने बताए ।