खोज

बुटवल, ३० भदौ । रुपन्देहीमा रगत अभावलाई मध्येनजर गर्दै बुटवलमा क्रियाशिल राधाकृष्ण युवा क्लबले बृहत् रक्तदान गरेको छ । ‘युवा पुस्ताको सोच, समृद्ध नेपालको खोज’ नारासहित स्थापना भएको राधाकृष्ण युवा क्लबको आयोजनामा १४ औ पटक बृहत् रक्तदान गरिएको हो । कार्यक्रममा सहभागीहरुलाई प्रमाणपत्र वितरण गर्दै बुटवल उपमहानगरपालिका वडा नं ६ का वडाअध्यक्ष लोकनाथ न्यौपानेले सामाजिक उत्तरदायित्वमा क्लबको महत्वपूर्ण भुमिका खेलेको भन्दै स्थानिय सरकार सधै सहकार्यमा रहने बताए ।

कार्यक्रममा नेपाल स्वयंसेवी रक्तदाता समाज रुपन्देहीका अध्यक्ष कृष्ण चौहान क्षेत्रीले बजारमा धेरैभन्दा धेरै रगतको माग देखिएको भन्दै स्वस्थ्य मानिसहरु रक्तदानबाट बिरामीलाई बचाउन सकिन्छ । उनले एउटा ब्यक्ति १६ वर्षदेखि ६५ वर्षसम्म गरि ३८ वर्षमा १९२ पटक रक्तदान गर्न सकिने सम्भावना रहेको उनले बताए । रक्तदानबाट आफ्नो स्वस्थ्यको बारेमा समेत जानकारी मिल्ने उनले बताए । यो अभियानमा सबै युवाहरु लाग्नुपर्ने उनले सुझाव दिए ।

कार्यक्रममा क्लबका अध्यक्ष यम बरालले सामाजिक उत्तरदायित्वमा युवाको भुमिकालाई मध्येनजर गर्दै रक्तदान अभियानका रुपमा चलाउदै आएको बताए । रक्तदानमा स्थानियहरुको बृहत सहभागी हुने गरेको उनले बताए ।

कार्यक्रममा वडा नै ६ का वडासदस्य चिनकाजी श्रेष्ठ, टोल समितिका अध्यक्ष माधव कशौधन, प्राविधिक चन्द्र झेडीमगर, क्लबका उपाध्यक्ष हसन्त लामाले रगत अभियानलाई समुदायमा लैजाने गरि सामुहिक रुपमा लग्न जरुरी रहेको बताए । नेपाल रेडक्रस सोसाईटी रक्तसंचार केन्द्रको प्राविधिक सहयोगमा भएको कार्यक्रममा ७२ युनिट रगत संकलन भएको कार्यक्रम संयोजक कमल सिजालीले बताए ।