खोज

बुटवल, २९ भदौ । लुम्बिनी प्रदेशका मुख्यमन्त्री चेतनारायण आचार्यले सरकारी र निजि अस्पताल तथा स्वास्थ्य संस्थाको उपचार सेवालाई प्रभावकारी बनाउनेतर्फ प्रदेश सरकार लागेको दाबी गरेका छन । नेपाल औषधी ब्यवसायी संघ रुपन्देही शाखाले छैटौ स्थापना दिवसको अवसरमा आयोजना गरेको सम्मान तथा औषधी ब्यवसायीहरुको क्षमता अभिवृध्दि तालिममा उनले सरकारी अस्पतालसंगै निजि क्षेत्रका अस्पताललाई समेत कानुनी दायरा भित्र ल्याएर सेवा प्रवाहलाइ चुस्त बनाउने बताए । भष्ट्राचार न्युनिकरणमा समेत छोटोसमयमा उपलब्धिमुलक काम गर्न सफल भएको दाबी गर्दै उनले आचार संहिता पालना गर्न निमर्म भएर लागेको बताए । पुर्व मुख्यमन्त्री लगायत सुविधा कटाउने अभियानमा केहि चुनौती देखिएपनि यो केहि हदसम्म सफल भएको उनले दाबी गरे । ‘नियत सहि भए सुधार गर्न सकिन्छ ।’—उनले भने ।

बुटवललाई स्वास्थ हव बनाउन, आर्थिक रुपमा समृद्ध बनाउन लुम्बिनी प्रादेशिक अस्पतालले नयाँ आयाम थप्ने उनले बताए । ‘१२ सय अस्पतालले पूर्णता पाएपछि औषधी व्यवसाय फस्टाउने छ । आर्थिक कारोबार बढ्ने छ । बुटवल आर्थिक हव बन्छ ।’—उनले भने । प्रादेशिक अस्पतालको भवन निर्माण चालू आर्थिक बर्ष १ अर्ब ८० करोड बजेट बिनियोजन गरेको छ । प्रदेश सरकारले सबै हिसाबले अस्पतालको पूर्वाधार विकास गर्न उच्च प्राथमिकतामा राखेको उनले बताए । मुख्यमन्त्री आचार्यले हरेक व्यवसायलाई पारदर्शी बनाउन जरुरी रहेको धारणा राख्नु भयो । औषधी व्यवसायको नाममा हुने लागू औषधको कारोबार र औषधी विभागले स्वीकृति नदिएका औषधीको बिक्रीवितरणमा कडाइ गरिने बताए ।

कार्यक्रममा प्रदेशका स्वस्थ्यमन्त्री खेम बहादुर सारुले स्वस्थ्य क्षेत्र संवेदनशील भएको हुदा यसमा लागेका व्यवसायीहरु विशेष चनाखो हुनुपर्ने बताए । मापदण्डमा रहेर काम गर्दा कुनै समस्या नहुने उनले बताए ।

जिल्ला शाखा अध्यक्ष खड्क बहादुर बस्नेतले ‘गुणयुक्त, असरयुक्त, जनसुरक्षित, औषधीको आपूर्ति, हाम्रो प्रतिबद्धता’ भन्ने मुख्य नारा सहित औषधी व्यवसायीको क्षमता अभिवृद्धिलाई विशेष जोड दिएको बताए ।

कार्यक्रममा संस्थापक तथा निवर्तमान अध्यक्ष सुरज भट्टराईले आम नागरिकको स्वस्थ्यको विषयमा सरकार गम्भिर बन्न आग्रह गर्दै प्रदेशमा सरकारी स्तरबाट खाद्यान्न, औषधी र कस्मेटिक ल्याब स्थापना जरुरी रहेको औल्याए । औषधीजन्य फोहोर ब्यवस्थापन केन्द्र नहुदा यसको असर शहरी क्षेत्रमा बसोबास गर्ने नागरिकलाई परिरहेको भन्दै यसतर्फसमेत सरकार गम्भिर हुनुपर्ने बताए ।
कार्यक्रममा स्थानिय ऐन सम्बन्धी बुटवल उपमहानगरपालिकाका स्वास्थ्य शाखा प्रमुख युवराज पाण्डे, कर सम्बन्धि आन्तरिक राजश्व कार्यालयका प्रमुख धनिश्वर अर्याल, लेखा सम्बन्धी सिए कमल ज्ञवाली, लागु तथा मनोदिपक औषधी रेकर्ड सम्बन्धि संघका पूर्व प्रदेश अध्यक्ष शिव ज्ञवालीले अभिमुखिकरणमा सहजिकरण गरेको संघका महासचिव कृष्ण प्रसाद शर्मा पोखरेलले बताए ।