खोज

पाल्पाको तिनाउ गाउँपालिकाले किसान प्रोत्साहन मोडेल कार्यान्वयनमा ल्याएको छ । गाउँपालिकाको काम गराइलाई हेर्दा उसले किसानलाई दुई किसिमले प्रोत्साहन गरेको देखिन्छ । पहिलो उत्पादीत कृषि जन्य उपज विक्रि वितरणमा सहकार्य । अर्को कुल बिक्री भएको कृषिजन्य उपजमा गाउँपालिकाको थप ५ पतिशत नगद अनुदान प्रदान । पहिलो कामका लागि गाउँपालिकाले किसानले उत्पादन गरेको कृषि जन्य उपज (तरकारी, अन्य) किसानले गाउँबाट नै गाडीमा बुटवलमा पठाउँछन् । गाडीबाट उक्त सामान पालिकाले व्यवस्थापन गरेको कृषि उपज विक्रि स्थलका कर्मचारीले झार्छन । त्यसका लागि २०७९ चैत १३ गते बाट बुटवल उपमहानगरपालिका वडा नम्बर ५ हाट बजारमा रहेको सिद्धार्थ गौतम बुद्ध क्याम्पस अगाडी रहेको २ वटा सटर १०÷१० हजारमा पालिकाले नै भाडामा लिएको छ । तिनाउका तरकारी बुटवल, मणिग्राम, भैरहवा, सुनवल, परासीका बजारसम्म पुग्ने गरेको छ । कतिपय किसानले आफ्नो उत्पादन आफू उपस्थित नभइ गाडीमा बुटवलमा पठाउने गरेका छन् । साँझ विक्रि केन्द्रका कर्मचारीहरूले विक्रि भएको उपजको रकम किसानलाई दिने गरेका छन् । कतिपय किसानले एक मुष्ट १५÷१५ दिनमा आफ्नो रकम बुझ्दै आएका छन् ।

पालिकाले तिनाउ कृषि बजार व्यवस्थापन समिति गठन गरी ४ जना जना कर्मचारीसमेत राखेको छ । हप्तामा तीन दिन शनिबार, बुधबार र सोमबार बुटवलमा हाटबजार लाग्ने गरेको छ । सोही दिन तिनाउमा उत्पादित कृषि उपजहरूको बिक्री–वितरण हुनेगरेको छ । हाल एक हप्तामा करिब ११ मेट्रिक टन छ÷सात लाख रूपैयाँबराबरको तरकारी बिक्री हुने गरेको बताइएको छ । यही सरदरमा बिक्री भए वार्षिक करिब चार करोड रूपैयाँबराबरको कषि उपज बिक्री वितरण हुने अपेक्षा छ । विक्रि केन्द्रले तरकारी विक्रि गरिसकेपछि ४ प्रतिशत मात्रै व्यवस्थापन खर्च काटेर सबै पैसा किसानलाई भुक्तानी गर्छ ।यसबाट उत्पादीत तरकारी विक्रि गर्नको लागि विचौलिया छोप्नुपर्दैन । दिनभर कुरेर तरकारी बेच्नुपर्ने बाध्यता पनि छैन् । यसरी उक्त विक्री केन्द्रमा विक्रीका लागि ल्याउने किसानहरूलाई कुल विक्रि भएको कृषि जन्य उपजमा गाउँपालिकाबाट थप ५ प्रतिशत नगद अनुदान समेत प्राप्त गर्दै आएका छन् ।

तिनाउ गाउँपालिका पाल्पाले कृषि उत्पादनको बजारीकरणमा नयाँ अभ्यासको सुरुवात गरेको छ ।जसमा किसानले दुई तर्फबाट लाभ प्राप्त गरिरहेका छन् । एका तर्फ बिक्रिको लागि झन्झन्ट व्यहोर्नुपरेन भने अर्को तर्फ उत्पदानमा आधारित ५ प्रतिशत अनुदान समेत प्राप्त गरिरहेका हुन । पालिकाका तथ्यांकका अनुसार अघिल्लो चौमासिक मा ७ लाख ५० हजार रूपैयाँ भन्दा बढि किसानले अनुदानबापत गाउँपालिकाबाट प्राप्त गरेका छन् । तिनाउको यो कामले किसान उत्पादन बिक्रीमा समस्या छैन्, उत्पादनमा किसान प्रोत्साहित भएका छन् । यसले गाउँमा स्वरोजगारीको संभावना बढाएको पनि छ । यस्ता काम अरू पालिकाहरूले पनि गर्न सक्छन् । कृषि प्रधान हाम्रो देशमा कृषिको उत्पादन भएपनि बजारीकरणको अभावमा किसानहरू आफुले गरेको काम छाड्दै विदेशीरहेका छन् । यस्तो प्रकारको काममा अरू पालिकाहरूले हातेमालो गर्न सके गाउँका धेरै किसानलाई प्रोत्साहन हुनसक्छ । राम्रा काममा सबैले हातेमालो गरौं ।