खोज

बुटवल, २८ भदौ । नेपाल नियमित रक्तदाता संघको आयोजनामा बुटवलमा जारी प्रथम सेभेन ए साईड भेट्रान्स फुटबल प्रतियोगिताको उपाधिका लागि रुपन्देही रुपन्देही ब्यापार संघ र रुपन्देही उद्योग संघ भिड्ने भएको छ । पहिलो सेमिफाईनल खेलमा रुपन्देही ब्यापार संघले होटल ब्यवसायी संघलाई १–० गोल तथा दोस्रो सेमिफाईनलमा रुपन्देही उद्योग संघले रुपन्देही मिष्ठान्न, क्याटरिङ तथा पार्टि प्यालेस संघलाई ३–१ गोलले पराजित गर्दै फाईनल भिडन्त पक्का गरेको हो ।

फाईनल खेल शनिबा दिउसो हुने संयोजक महेश खनालले बताए । सिद्घेश्वर खेल मैदान भएको खेलमा रुपन्देही ब्यापार संघले होटल ब्यवसायी संघलाई १–० गोल अन्तरले पराजित गर्दै फाईनलमा प्रवेश गरे।संघका गंगाराम बरालले विजयी गोल गरे । रुपन्देही उद्योग संघले रुपन्देही मिष्ठान्न, क्याटरिङ तथा पार्टि प्यालेस संघलाई ३–१ गोल अन्तरले पराजित गर्दै फाईनल भिडन्त पक्का गरेको हो । रुपन्देही उद्योग संघ बिशाल बेल्बासेले २ तथा यादव भण्डारीले एक गोल गरेका थिए । क्याटरिङका मनिष श्रेष्ठले सान्तवना गोल गरेका थिए ।

संघका संस्थापक अध्यक्ष स्वर्गिय सरोज सिलवाल (बन्दि) को १७ औ स्मृति दिवसको अवसरमा आयोजना गरिएको अध्यक्ष दया सिलवालले बताए । विजेता टिमले नगद ३० हजार, कप, मेडल, प्रमाणपत्रबाट पुरस्कृत हुने उनले बताए ।