खोज

जितपुर, २६ भदौ ।
पूर्वपश्चिम राजमार्ग जोड्ने बनगाई डोहोटे सडकखण्ड अन्तर्गत वाणगंगा नगरपालिका वडा ९ कपिलधाम कजवे नजिक कोइली खोला (ख) मा पक्कि पुलको निर्मांण कार्य तिब्ररूपमा भईरहेको छ । कपिलवस्तु र अर्घाखाँची जोड्ने बनगाई डोहोटे सडक जिल्लाको वाणगंगा नगरपालिका ७ बनगाई र अर्घाखाँचीको शितगंगा नगरपालिका वडा नम्बर १२ डोहोटे जोड्ने पक्कि पुल कोइली खोला (ख) को वाणगंगा नगरका मेयर चक्रपाणि अर्यालले शिलान्यास गरेका थिए । १३ कि.मि. रहेको बनगाई डोहोटे सडक खण्ड नेपाल सरकारको ९ करोड ३ लाख ७८ हजारको लागतमा पुल निर्माण हुन लागेको छ ।

७० मिटर लम्बाई रहेको पुल आगामी २ वर्षमा सम्पन्न हुने भनिएता पनि ठेकेदार कम्पनीले १ वर्षमा नै पुलको निर्माण कार्य पुरा गर्ने जनाएको छ । श्री श्रेष्ठ/एन बि.जे.बि.कन्सट्रक्सन बुटवल रूपन्देहीले उक्त कोइली खोला(ख) मा पुलको निर्माण गर्ने जिम्मा पाएपछि काम अगाडी बढेको हो । ठेकेदारले पुलको काम समयमै सम्पन्न गर्न स्थानीयवासी,राजनीतिक दल सवैलाई आवश्यक सहयोगका लागि आग्रह गरेको थियो ।

वाणगंगा ९ भलवाड भौगालिक तवरमा चारैतिरबाट नदीले घेरिएको छ ।पहिला यस ठाउँमा पुल नहुँदा यहाँबाट त्रिधालय पढ्न जाने त्रिधार्थी,कार्यालय जाने कर्मचारीले वर्षातको समयमा कोठा भाडामा लिएर बस्नुपर्ने बाध्यता थियो । वर्षातको समयमा खोला तर्दा यस कोइली खोलाले दर्जनौको ज्यान लिइुसकेको छ । गत साल कोइली खोला(क)मा पुल बनेको थियो भने हाल कोइली खोला(ख)को पुलको निर्माण कार्य धमाधम भइरहेको छ । विशेष गरी वाणगंगा ९ भलवाडका जनताको शास्ति र दुःख देखेर लुम्बिनी प्रदेशका माननिय साँसद तथा पूर्व स्वास्थ्य मन्त्री बिष्णु पन्थीको पहलमा सो पुलको काम भएको स्थानिय वताउँछन् । लामो समयदेखि नाम चलेको बनगाई डोहोटे सडक खण्डमा पुल निर्माणको कार्य पुराभएपछि कपिलवस्तु र अर्घाखाँची जिल्ला आवतजावतमा निकै छोटो दुरीमा पुग्न सकिन्छ । साथै भारतीय बजार देखि अर्घाखाँची लगायतका जिल्लामा व्यापारिक कारोवार गर्नेहरूको लागि पनि सस्तो र सुलभ हुनेछ । भारतको खुनुवा नाका हुदै तौलिहवा सदरमुकाम तिलौराकोट, जगदिशपुर, लक्ष्मणघाट बोलबमधाम, वाणगंगा ९को कपिलधाम हुदै अर्घाखाँचीको सुपादेउराली मन्दिर दर्शन र रमणिय मनमोहक ठाउँ नरपानी आउने जाने पर्यटकलाई राम्रो पर्यटकीय गन्तब्य बन्ने बाणगंगा ९का वडा अध्यक्ष कमल पौडेल बताए ।