खोज

नवलपरासी, २५ भदौ ।
जिल्लाको सिमावर्ति क्षेत्रमा अहिले चोरी तस्करी बढ्दै गएपछि राजश्व अनुसन्धान कार्यालय बुटवलले सिमावर्ति बसहिया नाकामा छापा मारेको छ । तस्करी गरि स्थानीय गाउँमा भण्डारण गरि राखिएको करिब ६ गाडी (पिकअप) चिनियाँ लसुन स्थानीय प्रहरीको सहयोगमा नियन्त्रणमा लिई पछि कागजपत्र मात्रै अनुसन्धान कार्यालयले बुझेर लगेको हो ।
सिमा क्षेत्रमा भन्सार कर्मचारी र स्थानीय प्रहरीको मिलोमतोमा सिमाक्षेत्रमा तस्करी मौलाउँदै गएको स्थानीयले गुनासो गर्दै आएका थिए । सोमबार विहान राजश्व अनुसन्धान कार्यालयको टोलीले छापा मार्दा कागजपत्र मात्रै लिएर गएको प्रति अहिले बरामद गरिएका लसुन नियन्त्रणमा किन नराखी कागजपत्र मात्रै लगेको होलान ? भनेर पनि स्थानीय झन राजश्व अनुसन्धानको टोली प्रति पनि मिलोमतो भएको हुन सक्ने आशँका समेत ब्यतm गर्न थालेको एक स्थानीयले बताए । भारतीय बजार सितलापुर पठाउने गरि तयारीमा राखिएको लसुनलाई स्थानीय बर्डर अब्र्जवेसन फोस (विओपी) र प्रहरी चौकी तथा इलाका प्रहरी कार्यालय बेलाटारीको टोलीले रातभरी गस्ति गरेर राखेको तर राजश्वको टोली आएर कागजपत्र मात्रै लगे पछि ब्यापारीहरूले ति लसुन अ आफ्नै घरमा लगेको एक प्रहरी जवानले सुनाए । हामीले माथिल्लो निकायको आदेश पालना गर्ने हो हजुर, रोक भने पछि रोक्ने हो, छाड भने पछि छाडिदिइने हो, उनले भने, रातीको बेला सिमावारी पारीका बजार र दशगजामा तस्करको मेला लाग्ने गरेको हुन्छ ।

चिनिया लसुन नेपालमा भित्रिने र भारतमा पुर्याए वापत मूल्यमा प्रति केजी ५० रुपियाँ नाफा हुने गरेको छ । ति लसुन भारतको निचलौलबाट राती तस्करहरूले पिकअप लिएर आउने र खरिद गरि रातारात लिएर जाने गरेको सिमावती भारतिय गाउँ सितलापुरकी एक स्थानिय महिलाले बताईन् । सिमाक्षेत्रमा रातीमा रमझम हुन्छ, उनले भनिन्,के नेपालको शसस्त्र र नेपाल प्रहरी के भारतको सिमाशुरक्षा प्रहरी (एसएसबी) सबै जना जुट्ने र तस्करी गराउनमा सघाउने गरेका छन् । तस्करहरूले आफ्नै गाडी समेत एसएबबी जवानलाई आउन जान दिइने गर्छन्, उनले भनिन्,सर्वसाधारणको बोल्ने हैसियत हुदैन् । बोलुन पनि कसरी जहाँ जनताको रक्षक नै तस्करको रक्षक बनेका छन्, उनको अगाडी जनता बोले उनीहरूकै भक्षक भईदिन्छन् । सेटिगँ भन्ने कुरा फरक नै हुदो रहेछ । भारतबाट अहिले चिनी र चामल नेपाल जाने गरेको छ । नेपालबाट लसुन र मटर भारत जाने गरेको छ । बाटोको त कुरै गर्न भएन्, धान र उखुबारी जहाँबाट साईकल र मोटरसाईकल सजिलै जानसक्छ, ति सबै नाका बनेका छन् । मुलनाकामा त सर्वसाधारण दिउँसो मात्रै हिड्छन्,उनले भनिन्, तर मुलनाकाको वरिपरि गएर हेर्नुस उखुबारी र धान खेतमा जहाँ तही मान्छे हिलोमा हिडेको छाप देखिन्छ । ति सबै तस्करी गर्ने बाटो हो ।

शसस्त्र प्रहरी र नेपाल प्रहरीका घुमुवाहरू परिचालन गरि तस्करीलाई लाईन मिलाउने कार्यमा सक्रिय रहेको बसहियाका एक स्थानीयले बताएका थिए । तस्करीका लागि मोटरसाईकलमा लोड गरि नेपालको विभिन्न बजारमा ल्याउने र भण्डारण गरिने गरिएको छ । भण्डारण गरिएका ति समाग्रि पछि कुनै ब्यवसायिक फर्मको नाममा बिल काटेर नेपालको नारायणघाट हुँदै विभिन्न बजार पुर्याउने गरिएको उनको भनाई थियो । बसहिया नाका मात्रै नभई अहिले भुजहवा,बिसुनपुरा नाकामा पनि तस्करी कार्य फस्टाउदो क्रममा रहेको स्थानियले बताएका छन् । स साना मोटरसाईकलबाट मालसमान ओसार्ने कार्य त डियुटी सेटिगँमा हुन्छ, तर राती १ बजे देखी ४ बजेसम्म ठूलै गाडी छिराउने गरिएको छ । केही सिमा क्षेत्रबाट तस्करी गरि ल्याइएको मालसमान पूर्वपश्चिम राजमार्गसम्म प्राय स साना गाडीमा पु¥याउने र राजमार्गबाट ठूलै गाडीमा लोड गरि नेपालको विभिन्न नाकामा पठाउने गरिएको छ ।

शसस्त्र प्रहरीको गस्ति टोली फेरिने समयमा यस्ता समाग्रि भित्रयाउने समय मिलाईन्छ, उनले थपे, जनताको आँखा छल्न प्रहरीले सेटिड्ड मिलाएको हुन्छ, सिमाक्षेत्रमा विभिन्न चोरबाटोहरूमा शसस्त्र प्रहरीको दुई चार जना प्रहरी बस्ने गर्छन्, सो टोलीको डियुटी परिवर्तन गर्दा आर्को टोली अलि ढिलो जान लगाईन्छ,सोही बेला मालबस्तुहरू मोटरसाइकल र पिकअपमा भित्राइन्छ । नजिकै अघोषित विभिन्न स्थानमा भण्डारण गरिन्छ । यो कुरा शसस्त्र प्रहरीले तस्करी माथि निगरानी गरेको स्वाँग मात्र देखाउछ । जनतालाई ठाँउ ठाँउमा प्रहरी छन्,तस्करी रोकिएको भ्रम छरिएको हुन्छ । तर विचमै ड्युटी सेटिगँ मिलाईएको हुन्छ, यसलाई ड्युटी सेटिगँ कारोबारको रूपमा कारोबार गर्ने तस्करहरूले बताउने गरेका छन् । जिल्ला स्तरमा यो कुरा उठ्दा ब्यापक प्रहरी परिचालन गरिएको दाबी गरिन्छ । हेर्दा पनि प्रहरी परिचालन गरिएको देखिन्छ । तर तस्करी गराउने प्रहरीको यो ड्युटी सेटिगँ मोडेलले चर्चा पनि उत्तिकै रहेको छ ।