खोज

बुटवल, २२ भदौ ।

बुटवल आटो ईन्जिनयरिङ्ग एशोसिएसनको पहलमा सुरुवात भएको यस क्षेत्रकै स्नातकतह अध्यापन गर्ने अटो ईन्जिनियरिङ्ग कलेज स्थापना गर्नको लागि वर्तमान शिक्षा ऐन नै बाधक भएको पाइएको छ ।

अहिले सञ्चालनमा रहेका अटो ईन्जिनयरिङ्ग, अटो मेकानिक्स ईन्जिनियरिङ्ग कलेज भन्दा फरक प्रकृतिबाट अधिकांश प्रयोगात्मक विषय सञ्चालन गर्ने गरी बुटवलमा ‘अटो ईन्जिनियरिङ्ग कलेज’ सुरुवात गर्ने लक्ष्य लिइएको थियो । यो विषयमा अध्यायन प्रतिवेदन समेत तयार भैसकेको एशोसिएसनका अध्यक्ष तुलसीराम न्यौपाने बताउँछन् ।

बुटवल उपमहानरपालिकाको आर्थिक सहयोगमा काठमाण्डौ विश्वविद्यालयको सहयोगमा बुटवलमा अटो ईन्जिनियरिङ्ग कलेज स्थापनाको लागि संभाव्यता अध्ययन गरिएको छ । जसको शनिवार एक कार्यक्रमको विच प्रतिवेदन सार्वजनिक गरिएको हो ।

एशोसिएसनका अध्यक्ष तुलसीराम न्यौपानेका अनुसार बुटवलमा चाहिने, खपत हुने जनशक्तिलाई आधार मानेर स्नातक तहको ईन्जिनियरिङ्ग कलेज स्थापना गर्न खोजिएको हो । तर यसमा प्राक्टिकल बेस धेरै, सैद्धान्तिक कुरा कम भएको गरी कोर्ष डिजाईन गरेर सुरुवात गर्न खोजिएको भएपनि अझै यसको सम्बन्धनको विषयमा ठोस पहल हुन सकेको छैन ।

बुटवलमा प्राविधिक धारको अटो ईन्जिनियरिङ्ग कलेज आवश्यक रहेको विषयमा बुटवल उपमहानरपालिकाले पनि पटकपटक आवाज उठाउँदै आएको छ । बुटवलमा हाल मेकानिकल, आटो क्षेत्रमा डिप्लोमा लेभलमा बुटवल टेक्निकल ईन्ष्च्युट, कोरिया नेपाल बहुप्राविधिक विद्यालयमा अध्यापन हँुदै आएको छ । तर स्नातक र स्नाकोत्तर तहमा भने कलेज छैनन् ।

बुटवलमा रहेको अटो भिलेजमा हाल १ हजार भन्दा बढी व्यवसायीहरु रहेका छन् । जसमा ८ हजार भन्दा बढी कर्मचारहरुले रोजगारी पाएको आटो ईन्जिनियरिङ्ग एशोसिएशसनको तथ्यांक छ । जसमा करिव २० प्रतिशत मात्रै डिप्लोमा लेभलको कोर्ष पूरा गरेका दक्ष जनशक्तिरहेका छन् भने अन्य सबै अन्य विषय पढेका वा व्यवहारिक सीप, दक्षता भएका जनशक्ति रहेका छन् ।