खोज

बुटवल, २१ भदौ । सडक आश्रित मानवहरुको उद्घार, संरक्षणमा लागेका मानव सेवा आश्रमका अभियन्ताहरुलाई सम्मान गरिएको छ हिन्दु नारीहरुको चाड हरितालिका तिजको अवसरमा रोट्याक्ट क्लब अफ बुटवलले शुक्रबार मानव सेवा आश्रममा सेवारत महिला अभियन्ता तथा कर्मचारी सम्मान कार्यक्रम गरेको हो ।

एक कार्यक्रमका बिच आश्रमको बुटवल शाखा कार्यालयमा रोटरी क्लब अफ बुटवलका अध्यक्ष प्रज्वल थान्जु, आश्रमका अभिभावक लोकनाथ भुषाल, क्लबका अध्यक्ष दिपेश अग्रहरीले आश्रमका केन्द्रिय महासचिव सुशिला केसी, प्रदेश प्रमुख सरु अधिकारी, जिल्ला संयोजक टिकामाया थापा, विष्णु घर्ति, बुटवल शाखा संयोजक रेनुथापासहित कार्यरत २१ जना अभियन्ता, महिला कर्मचारी तथा ६० जना आश्रितहरुलाई खादा तथा सम्मानपत्रबाट सम्मान गरेका हुन ।

कार्यक्रममा रोटरी क्लब अफ बुटवलका अध्यक्ष प्रज्वल थान्जुले रोट्याक्ट क्लबका युवाहरुबाट नमुना कार्यक्रम ल्याउन सफल भएको बताए । मानव सेवा सामान्य काम नभएको भन्दै मनबाट उत्पन्न हुनुपर्ने उनले बताए । जन्मदिन, वैवाहिक उत्सव जस्ता शुभ कार्यलाई आगामी दिनमा आश्रमसंग समन्वय गर्ने उनले बताए ।

कार्यक्रममा क्लबका अध्यक्ष दिपेश अग्रहरीले तिज पर्वको धार्मिक र सामाजिक महत्वलाई थप रचनात्मक रुपमा मनाउने थालनी क्लबबाट भएको बताए । सेवामा समर्पित आश्रमका अभियन्तालाई सामाजिक कार्यमा उर्जा थपिने सम्मान कार्यक्रम गरिएको उनले बताए । धेरै पटक आश्रममा आउदा धेरै परिवर्तन पाएको उनले बताए । आगामी दिनमा समेत समन्वय गरेर जाने बताए ।

कार्यक्रममा आश्रमका केन्द्रिय महासचिव सुशिला केसीले यो सम्मानबाट आफुहरुलाई उत्साह थपिएको बताईन। आफ्नो कोहि नहुने र नाना, छाना, खानाको अभावमा रहेकालाई आश्रय दिदै आएको उनले बताईन । मानव आश्रम हाल देशको सात प्रदेशको १९ जिल्लामा २४ सेवा केन्द्रमार्फत १८ सय बढिलाई आश्रय दिएको उनले बताईन । बिसं २०८२ सम्म सहयोगापेक्षि सडक मानवमुक्त नेपाल बनाउने लक्ष्यसहित अघि बढेको उनले बताईन । ‘अब समय निक्कै कम छ ।’—उनले भने । सडकमा सहयोगापेक्षी (स्वच्दनद जिवनयापन गर्ने), अर्काथरि दैनिक आम्दानी गर्ने र सडकमा जिवन जिउने र पेशेवार मगन्ते गरि तिन प्रकारका मानिसहरु छन । रात्रीसमयमा आफुहरु निरन्तर सडकमा जादा विक्षिप्त महिलाहरु, गर्भवती महिलाहरु समेत भेटिने गरेको र उनिहरुलाई उद्घार गर्दै आएको उनले बताईन । आश्रममा विविध समस्या ब्यहोरेका मानसिक र शारिरिक समस्याका भेटिने गरेको उनले बताईन ।

कार्यक्रममा आश्रमका अभिभावक लोकनाथ भुषाल, क्लबका भेषराज पोखरेल, सचिव दिब्या रेग्मीले युवाहरुबाट रचनात्मक कामलाई थप अग्रसर गराउनुपर्ने बताए ।