खोज

बुटवल, २० भदौ । रुपन्देहीमा जारी प्रथम गौतम बुद्ध कप खुला नकआउट नाईन ए साईड फुटबल प्रतियोगिताको उपाधि खस्यौली फुटबल क्लब बुटवलले चुमेको छ । विहिबार भएको फाईनलमा जनज्योति युवा क्लब, डिगरनगरलाई ३– २ गोलले पराजित गर्दै उपाधि हात पारेको हो । उपाधिसंगै खस्यौलीले नगद १,०१,१११ रुपैयाँ, कप, मेडल, प्रमाणपत्रबाट पुरस्कृत भएको छ । उपविजेताले जनज्योती भने नगद ५५,५५५ रुपैयाँ, कप, मेडल, प्रमाणपत्रमा चित्त बुझायो ।

प्रतियोगितामा सर्वोत्कृत खेलाडी खस्यौलीका अनुज गैरे भए । यसैगरि बेष्ट किपर खस्यौलीका कुशल सुनार, बेष्ट डिफेन्स गौतम बुद्घका सुमित मल्ल, मिड फिल्डर जनज्योतीका आयुष गुरुङ, फरवार्ड खस्यौलीका सबि गुरुङ, उदयमान खेलाडी आयोजक गौतम बुद्घका सिजन गलामी, सर्वाधिक गोलकर्ता फर्साटिकर एफसीका अवतार थापा पुरस्कृत भए ।

गौतम बुद्ध सामुदायिक विकास संस्था, कञ्चन–५, पिपरिचापा, रुपन्देहीको आयोजनामा भएको पिपरिचापा खेलमैदानमा भएको खेलको आठौ मिनेटमा गणेश हमालले गोल गर्दै टिमलाई अग्रता दिलाएका थिए । सबि गुरुङको पासमा आर्कषण गोल गरे । खेलको ३१ औ मिनेटमा बिक्की चामलिङ राईले खेलमा गोल गर्दै खेलमा फर्कियो । खेलको ३५ औ मिनेटमा बिक्कीको पासमा आयुष गुरुङले जाली चुमाए । योसंगै खेलमा जनज्योती २—१ गोलले अग्रता लियो । दोस्रो हाफमा पाचौ मिनेटमा खस्यौलीका सबि गुरुङले गोल गर्दै खेल बराबरीमा ल्याए । खेलको २४ औ मिनेटमा खस्यौलीका गणेश हमालले विजयी गोल गरे । सबिको पासमा हमालले गोल गरे । खेलमा म्यान अफ द म्याच खस्यौलीका गणेश थापा भए ।
एक कार्यक्रमका बिच लुम्बिनी प्रदेशका भौतिक पूर्वाधार मन्त्री भुमिश्वर ढकाल, कन्चन गाउपालिकाका अध्यक्ष नवराज ढकाल, वडा नं. १ का वडाअध्यक्ष हरि नारायण थारु, वडा नं २ का वडा अध्यक्ष टेक बहादुर गुरुङ, वडा नं. ३ का वडाअध्यक्ष मधु सापकोटा, वडा नं ४ का वडाअध्यक्ष केशव बहादुर क्षेत्री, वडा नं ५ का वडाअध्यक्ष कुल प्रसाद पौडेल, संस्थाका अध्यक्ष कमल परियार, खेल संयोजक रोशन पुनले विजेता, उपविजेता टिम तथा उत्कृष्ट खेलाडीहरुलाई पुरस्कार वितरण गरे ।