खोज

बुटवल, २० भदौ ।

नेकपा(माओवादी केन्द्र) निकट अखिल क्रान्तिकारीको २३ औ जिल्ला सम्मेलन बहुसंख्यक प्रतिनिधिले बहिस्कार गरेका छन् । भैरहवामा माओवादी नेता बर्षमान पुनले सुरुवात गरेको सम्म्मेलनको जिल्ला उपाध्यक्ष प्रशान्त बन्जाडे सहितका ५० प्रतिशत भन्दा बढी सदस्यले बहिस्कार गरेर निर्वाचन गरिएको छ ।

सम्मेलनबाट नयाँ नेतृत्वको लागि निर्वाचन गराउन खोज्दा जिल्ला ईन्चार्ज बामदेव क्षेत्रीले हस्तक्षेप गरी आफु निकट व्यक्तिलाई अध्यक्ष बनाउन लागेपछि अन्य सदस्य तथा साविक कमिटीले बहिस्कार गरेको हो ।

निर्वाचन समितिका समेत रेहका सदस्य विजय आचार्यले समेत सम्मेलन बहिस्कार गरेका छन् । उनले जिल्ला ईन्जार्च बामदेव क्षेत्रीले नियम सम्मत निर्वाचन गराउनुको सट्टा एकलौटी रुपमा नियम विपरित गरेको कारण निर्वाचन समितिको सदस्यबाट बहिस्कार गर्दै निस्किएको बताए ।

संगठनका उपाध्यक्ष प्रशान्त बञ्जाडेले आधा मात्रै प्रतिनिधि भएको अवस्थामा एक समूहले मात्रै एकपक्षीय निर्वाचन गरेको आरोप बताए । पार्टीभित्र गुटगत राजनीति हुँदा सबैको मर्म अनुसार निर्वाचन नभएको उनको तर्क छ ।

पार्टीकै जिम्मेवार नेताहरुले बिद्यार्थी संगठनमा हस्तक्षेप गरेको भन्दै करिब आधा प्रतिनिधिहरुले बन्द सत्रलाई पुनः सञ्चालन गर्नुपर्ने भन्दै उम्मेदवारी फिर्ता लिएर निस्केको समयमा निर्वाचन गराएपछि विवाद बाहिर आएको हो ।

अधिवेशनमा १८५ जना प्रतिनिधि मतदाता रहेकोमा जम्मा ९९ मत मात्रै खसेको छ । बाँकी ८६ जनाले बहिस्कार गरेका थिए । ‘बिधि पद्धति विपरित निर्वाचन गराइएको कारण हामी बहिस्कार गरेका हौं, नयाँ घोषाणा गरिएको नेतृत्व समूह अवैधानिक हो’, बन्जाडेले भने । निर्वाचन समितिमा ईन्द्र विक, दामोदर घिमिरे, विजय आचार्य रहेका थिए ।

अधिवेशनबाट टिकाराम आचार्यको नेत्वृत्वमा ४१ सदस्यीय कार्यसमिति चयन घोषणा गरिएको छ । जसमा उपाध्यक्षमा मात्रै निर्वाचन भएको थियो ।

विद्यार्थीले पार्टी इन्चार्ज बामदेव क्षेत्री विरुद्ध नाराबाजी गरेका थिए । १८ गते सम्मेलनको आयोजना गरिएकोमा सम्मेलनको दिन शत प्रतिशत प्रतिनिधि उपस्थित भएको भएपनि बामदेव क्षेत्रीले आफु निकट विद्यार्थी निर्वाचनमा पराजित हुने भएपछि १९ गतेलाई निर्वाचन तालिका सारेका थिए । निर्वाचन समितिले बिना माईन्युट र निर्वाचन तालिम विना नै अगाडि बढेको बताएको छ । एक पदमा बहाल व्यक्ति अर्को पदमा उम्मेदवार हुन नपाउने व्यवस्था भएको तर दोहोरो उम्मेदवारी दिएका उम्मेदवारमाथि दावी विरोधको रिटको सुनुवाइ नगरेको समेत आरोप लागेको छ ।

यता, नेकपा माओवादी केन्द्र जिल्ला ईन्चार्ज बामदेव गौतम क्षेत्रीले २, ४ जनाले मात्रै बहिस्कार गरेको र कुनै विवादित नभएको दावी गरे । उनले विदाको दिन भएको कारण पनि ५५ प्रतिशत भोट खसेको, निर्वाचन समितिले घोषणा गरेको कारण कुनै विवाद नभएको बुटवल टुडेलाई बताए ।