खोज

बुटवल, १६ भदौ ।

मृगौला तथा मुटुपीडित सरोकार समाज नेपाल लुम्बिनी प्रदेश समितिको अध्यक्षमा कृष्ण मल्ल चयन भएका छन् । बुटवलमा भएको तेस्रो साधारण सभा तथा अधिवेशनबाट अध्यक्षमा मल्ल चयन भएका हुन् ।

यस्तै बरिष्ठ उपाध्यक्षमा माधव प्रसाद श्रेष्ठ, उपाध्यक्षमा दान बहादुर थापा रहेका छन् । यस्तै सचिवमा समर मल्ल, सह–सचिवमा गोकुल ढकाल, कोषाध्यक्षमा रेखा श्रेष्ठ चयन भएका छन् । यस्तै सदस्यहरुमा रुक्मांगद खनाल, गौतमलाल श्रेष्ठ, गोपाल श्रेष्ठ, रेख बहादुर गुरुङ्ग, मायादेवी पाठक, सारथा थापा, भोज राय, निरज श्रेष्ठ चयन भएका छन् । नयाँ गठन गरिएको समितिको कानुनी सल्लाकारका पदम कार्की, सल्लाहकारमा नारायण बहादुर क्षेत्री, डा. पवन धिताल, खुम बहादुर थापा, बरिष्ठ सल्लाहकारमा चुरामणी बन्जाडे, संरक्षकमा रमेश केसी रहेका छन् ।

साधारण सभा तथा अधिवेशनमा बोल्दै नेपाल सरकारका उप प्रधान तथा अर्थ मन्त्री विष्णु प्रसाद पौडेलले मृगौला, मुटु लगायतका १६ प्रकृतिको गम्भिर रोग लागेका विरामीहरुको पक्षमा सरकारले काम गर्दै आएको बताए । अहिलेको बजेट अघिल्लो सरकारको पालामा निर्माण गरिएको भन्दै अहिले प्रदान गर्दै आएको सेवा सुविधालाई अझ विस्तार गर्ने गरी आगामी बजेटमा व्यवस्था गरिने बताएका थिए । पीडितहरुको उपचारको लागि सरकार जहिले पनि गम्भीर रहेको भन्दै अहिले निःशुल्क रुपमा व्यवस्था गरिएको डाईलाईसिस सेवा अझ प्रभावकारी र सहज बनाईने बताएका थिए ।

कार्यक्रममा बोल्दै मुटु तथा मृगौला पीडित सरोकार समाज नेपालका संस्थापक अध्यक्ष बलाराम सुवेदीले अहिलेको बजेटमा मृगौला पीडितहरुको लागि सुविधा सरकारले कटौती गरेकोमा दुखित भएको बताएका थिए । उनले मृगौला पीडितहरुको लागि स्वाथ्य बीमा गरिएको भएपनि सहज रुपमा सरकारी अस्पतालमा औषधी नपाईने अवस्था रहेको भन्दै यसको अन्त्य गर्नुपर्ने बताएका थिए ।
कार्यक्रममा गौतम बुद्ध सामुदायिक मुटु अस्पतालमा बरिष्ठ मुटुरोग विशेषज्ञ डा. समिर गौतम, सचिव बाबुरा बोहोरा, संस्थाका अध्यक्ष रमेश केसी, उपाध्यक्ष कृष्ण मल्ल लगायतले आ आफ्नो भनाई राखेका थिए ।