खोज

नवलपरासी, १३ भदौ ।
फोहोर फाल्ने सुनवल नगरपालिकाको जेसिबी र टिपर वनको नियन्त्रणमा परेपछि स्थानीयबासीले आफै फोहोर ब्यवस्थापनमा लागेका छन् । अनुसन्धान प्रकृयामा रहेका फोहोर फाल्ने टिपर र जेसिबीको टुगोँ नलागेसम्म स्थानीय युवाहरू आफै सक्रिय भएर फोहोर ब्यवस्थापन गर्ने गरि लागेका हुन् ।

खोलामा सरकारी एक्साभेटर प्रयोग गरि उत्खनन गर्दै गरेको अवस्थामा सुनवलका जेसिबी र दुई टिपरलाई स्थानीयले डिभिजन बन कार्यालयमा बुझाएका थिए । आफ्नै टास्क फोर्स बनाई खोलाको चोरी निकासी नियन्त्रण गर्दै अवैध खोलाजन्य पदार्थ(ढुगाँ, गिट्टि, बालुवा, मिस्कट) बरामद अभियान चलाएको सुनवल नगरपालिकका कर्मचारी आफै अवैध उत्खनन् गर्दै गरेको भेटिए पछि उनीहरूले नै डिभिजन बनमा आवश्यक कारवाहीका लागि बुझाई दिएका थिए ।

जेसिबी र टिपर नगरपालिकासँग नभएर फोहोर उठाउन समस्या हुन्छ, भनि अनुसन्धानलाई प्रभावित बनाउने कार्यमा लाग्न सक्छ, एक स्थानीयले भने, त्यो भएर अनुसन्धान नटुंगिएसम्म नगरबासीले नै आफै टेक्टर खोजेर फोहोर उठाउने र फोहोर फाल्ने स्थानमा ब्यवस्थान गर्ने गरि काम थालिएको छ ।

सुनवल नगरपालिकाले अवैध तरिकाबाट नदीजन्य पदार्थ उत्खनन गरि ढुवानी गरिरहेको अवस्थामा डिभिजन बन कार्यालयले नियन्त्रणमा लिएको कारणले ३ दिनदेखि फोहरमैला नगरपालिकाले उठाउन नआएकाले हामी टेक्टर व्यवसायीहरू नगरको फोहरमैला उठाउने कार्य गरेको स्थानीय बिपिन ठाकुरीले बताए ।

सुनवल नगरपालिकाले नगरकार्यपालिकाको निर्णय र जिल्ला विपद व्यवस्थापन समतिको निर्णय बेगर प्रक्रिया नपु¥याई आफनो मनोमानी ढंगबाट चोरी शैलीमा सुनवलको तुरिया खोलाबाट नदीजन्य पदार्थ झिकि रहेको स्थानीयले देखेपछि उनीहरूको चर्काे विरोधपछि वन कार्यालयले एउटा जेसीभि र दुईटा मिनी टिपर नियन्त्रणमा लिएको थियो । नगरपालिकाको गाडीहरू वनको नियन्त्रणमा छ नगरले फोहरमैला नउठाएको खण्डामा हामी आफनै निजी टेक्टरबाट नगरको फोहर मैला उठाउँछौ सुमन थापाले बताए । नगरपालिकाले प्रक्रिया नपु¥याई सिधै नदीबाट ग्रावेल झिकेकाले यस्तो समस्या आएको नगरपालिकाले स्वीकारेको छ यस अवस्था नगर फोहरमैला नउठाउन पाउँदा लज्जित महासुश गरेको नाम नबताउने सर्तमा एक कर्माचरीले बताए । प्रकृया नै नपु¥यार्इै खोलामा मेसिन प्रयोग गरेर वन क्षेत्रमा पर्ने तुरिया खोला उत्खनन् गरिरहेको अवस्थामा देखिएपछि स्थानीयले डिभिजन बन कार्यालयका कर्मचारीलाई सूचना गरेका थिए ।

बन कर्मचारी सहित स्थानियले नगरपालिकाको जेसिबी र मिस्कट सहित दुई वटा टिपर बरामद गरिएको थियो ।
बरामद टिपर अहिले डिभिजन बन कार्यालयको शसस्त्र बन सुरक्षा शाखा क्याम्प बडेरामा राखिएको छ । बन ऐन अनुसार कारवाही प्रकृया अगाडी बढाउन समेत स्थानियबासीको माग रहेको छ । सँलग्नलाई अनुसंधान गरि कारवाही गर्नु पर्ने जनाउदै सरकारी निकाय नै चोरीमा लागे पछि खोला माफियाहरू झन उत्साही हुने देखिएको दाबी गरेका थिए ।

नगरपालिकाकी मेयर विमला अर्याल केही दिन खोलामा चोरी गरि राखिएका समाग्रि बरामद गरि जपत गर्ने अभियान चलाएकी दाबी गरेकी थिईन्, तर अहिले तिनै खोलामा नगरपालिकाकै जेसिबी र टिपर बरामद भयो, त्यो कस्को निर्देशनमा चलिरहेको हो भन्ने कुरा एकिन भएको छैन ।

कुनै पनि कागजात नै नभई समान्य तरिकाले सरकारी मेसिन प्रयोग गरि उत्खनन गरिरहेको अवस्थामा फेला परेको डिभिजन बन कार्यालयका निमित्त डिभिजन बन अधिकृत मोहन गजुरेलले जानकारी गराएका थिए ।
घटनाको अनुसंधानका लागि अनुसंधान अधिकृत तोकिएका छन्,उनले भने, अनुसंधान अधिकृतले सरकारी वकिल कार्यालयसँग समन्वय गरि अनुसंधान प्रतिवेदन तयार गर्ने र बन ऐन बमोजिम मुद्दा चल्ने सक्ने बताए ।

सुनवल नगरपालिकाका प्रमुख प्रशासकिय अधिकृत मदन बहादुर जिसीका अनुसार स्थानिय कृष्णमन्दिर नजिकैको सडक पुर्नका लागि नगरपालिकामा मन्दिर ब्यवस्थापन समितिले मिस्कट माग गरेको थियो । सोही सडक पुर्नका लागि मिस्कट लैजान खोलामा नगरपालिकाको जेसिबी र टिपर गएको बनाए । चोरी गर्ने नियत भन्दा समाजिक सेवाकै लागि समाग्रि झिक्न लागिएको उनले जिकिर गरेका थिए ।